‘जाखणगाव येथील सेंद्रिय शेतकरी गटाची औजार बँक परिसरातील शेतकर्यांना सुविधा पुरवणारी फार मोठी एक आदर्शवत यंत्रणा ठरेल, तसेच गट सेंद्रिय निविष्ठाचे हब बनेल,’ असे प्रतिपादन जिल्हा कृषी अधीक्षक गुरुदत्त काळे यांनी केले.
भोसरे : ‘जाखणगाव येथील सेंद्रिय शेतकरी गटाची औजार बँक परिसरातील शेतकर्यांना सुविधा पुरवणारी फार मोठी एक आदर्शवत यंत्रणा ठरेल, तसेच गट सेंद्रिय निविष्ठाचे हब बनेल,’ असे प्रतिपादन जिल्हा कृषी अधीक्षक गुरुदत्त काळे यांनी केले.
जाखणगाव (ता. खटाव) येथील येस सेंद्रिय शेतकरी गटाच्या औजार बँक पूजन, स्लरीअर्क-गांडूळ खत युनिट, औजार शेड, देशी गाय गोटा, पॅक हाऊस भूमिपूजन व झालेल्या कामाच्या पाहणीप्रसंगी शेतकरी मार्गदर्शन मेळाव्यात ते बोलत होते.
यावेळी गटाचे संस्थापक संजय भगत तालुका कृषी अधिकारी राहुल जितकर, मंडळ कृषी अधिकारी लोंढे यांची प्रमुख उपस्थिती होती.
येस सेंद्रिय शेतकरी गटाचे उपक्रम नावीन्यपूर्ण असतात, याचा फायदा परिसरातील शेतकर्यांना नक्कीच मार्गदर्शक ठरेल. गटाने केलेली कामे ही शेतकर्यांना प्रोत्साहन देणारी असून, भविष्यात येस सेंद्रिय शेतकरी गट हे सेंद्रिय निविष्ठांचे हब बनेल, असेही काळे म्हणाले.
या कार्यक्रमास बाळूताई जगताप, सारिका शिंदे, वंदना खटावकर, मनीषा भगत, कृषी विभागाचे मुकुंद म्हेत्रे, किरण काळे, हरिदास भोसले, गणपतराव शिंदे, राजेंद्र भगत, संतोष शिंदे, रघुनाथ साळुंखे, धनाजी देशमुख, श्रीकांत लावंड, सूर्यकांत भुजबळ, बाबूराव जाधव, धनाजी जाधव, नारायण शिंदे, नितीन कदम, मोहन सपकाळ, चंद्रकांत वाघचौडे, अरुण विधाते, कैलास मदने, बाबा मदने, हनुमंत धुमाळ, युवराज जाधव, समाधान कदम, अजय माने, श्याम मोरे, ओंकार भगत आदी सभासद पदाधिकारी शेतकरी उपस्थित होते. महिला सभासदांची उपस्थिती लक्षणीय होती.
गटाचे अध्यक्ष राजेंद्र भगत, सचिव संतोष शिंदे, कृष्णा मोरे यांच्या हस्ते स्वागत करण्यात आले. वैभव शिंदे यांनी सूत्रसंचालन करून आभार मानले.