जिल्ह्यात दिवसेंदिवस कोरोनाबाधितांच्या संख्येत झपाट्याने वाढ होत असून, शुक्रवारी नव्या 622 बाधितांची नोंद झाली आहे. तर 32 बाधितांचा मृत्यू झाला आहे. तसेच 831 जणांनी कोरोनावर यशस्वीरीत्या मात केली आहे.
सातारा : जिल्ह्यात दिवसेंदिवस कोरोनाबाधितांच्या संख्येत झपाट्याने वाढ होत असून, शुक्रवारी नव्या 622 बाधितांची नोंद झाली आहे. तर 32 बाधितांचा मृत्यू झाला आहे. तसेच 831 जणांनी कोरोनावर यशस्वीरीत्या मात केली आहे.
जिल्ह्यात आणखी 831 जण कोरोनामुक्त
जिल्ह्यात शुक्रवारी दिवसभरात विविध रुग्णालयांत आणि कोरोना केअर सेंटर, डिसीएचसी व सीसीसीमध्ये उपचार घेत असलेले 831 जण कोरोनामुक्त झाल्याने त्यांना घरी सोडण्यात आले असून, 831 जणांचे नमुने तपासणीसाठी पाठवण्यात आल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
831 जणांचे स्त्राव तपासणीला
स्व. क्रांतिसिंह नाना पाटील सर्वसाधारण रुग्णालय, सातारा येथील 16, उपजिल्हा रुग्णालय, कराड 24, उपजिल्हा रुग्णालय, फलटण 48, कोरेगाव 75, वाई 71, खंडाळा 44, रायगाव 116, पानमळेवाडी 132, मायणी 43, महाबळेश्‍वर 60, दहिवडी 43, खावली 19, तळमावले 27 व कृष्णा मेडिकल कॉलेज, कराड 113 अशा एकूण 831 जणांचे नमुने तपासणीला पाठवण्यात आले आहेत.
