आपण अनेक वेळेला असे म्हणतो की, जगात अशक्य असे काहीच नाही. एखाद्या चांगल्या कार्याला मदत करण्यासाठी आर्थिक सहकार्याबरोबरच आपल्या शारीरिक कष्टानेही आपण त्यांना मदत करू शकतो. असेच एक ध्येय वेडे महाराष्ट्रातील सायकल प्रेमींचे हिरो डॉ. अमित समर्थ हे डॉ. प्रकाश आमटे यांच्या ‘लोक बिरादरी’ या प्रकल्पास आर्थिक सहकार्य मिळावे व जे आदिवासी भागात नवोदित खेळाडू आहेत, अशा मागास भागाला उत्तम क्रीडा साहित्य मिळावे, सोयीसुविधा मिळाव्या यासाठी सायकलिंग करत आहेत.
सोनवडी : आपण अनेक वेळेला असे म्हणतो की, जगात अशक्य असे काहीच नाही. एखाद्या चांगल्या कार्याला मदत करण्यासाठी आर्थिक सहकार्याबरोबरच आपल्या शारीरिक कष्टानेही आपण त्यांना मदत करू शकतो. असेच एक ध्येय वेडे महाराष्ट्रातील सायकल प्रेमींचे हिरो डॉ. अमित समर्थ हे डॉ. प्रकाश आमटे यांच्या ‘लोक बिरादरी’ या प्रकल्पास आर्थिक सहकार्य मिळावे व जे आदिवासी भागात नवोदित खेळाडू आहेत, अशा मागास भागाला उत्तम क्रीडा साहित्य मिळावे, सोयीसुविधा मिळाव्या यासाठी सायकलिंग करत आहेत.
डॉ. अमित समर्थ हे जगातील सर्वात लांब पल्ल्याचे सायकलिंग करणारे आहेत. द रेड बुल ट्रान्स सेबेरिअन 9100 किमी सुप्रसिद्ध द रेस अॅक्रोस अमेरिका 5000 किमी (आयएएएम) या यशस्वीरीत्या पूर्ण केल्या आहेत.
‘लोक बिरादरी’ या प्रकल्पाला सहकार्य मिळावे म्हणून त्यानी गेट वे ऑफ इंडिया ते बेंगलोर, चेन्नई, कोलकाता, असा प्रवास सुरू केला आहे. यासाठी ते साधारण 30 किमी प्रती तास अशा स्पिडने सायकलिंग करत आहेत. डॉ. अमित समर्थ यांनी 15 फेब्रुवारी रोजी सकाळी 3 वाजता गेट वे ऑफ इंडिया येथून सायकलिंगला सुरुवात केली आहे. भारतातील विविध शहरातून त्यांचे स्वागत करण्यात येत आहे.
काल दुपारी सातार्यात ‘एएफएसएफ’च्या संस्थापिका राजवी हलगीकर तसेच सातारा सायकलिंग क्लब यांनी त्यांचे स्वागत करून त्यांना पुढील सायकलिंगसाठी शुभेच्छा दिल्या. यावेळी सतोष शेडगे, तुषार भोईटे, हेमल उपाध्याय, प्रवीण शेळके व सातारा शहरातील खेळाडू, सायकलपट्टू मोठ्या संख्येने उपस्थित होते.