कराड ः सह्याद्री व्याघ्र प्रकल्पाचे क्षेत्र संचालक समाधान चव्हाण यांच्या सेवानिवृत्तीनंतर सहाय्यक विभागीय कमिशनर दर्जाचे अधिकारी वनसंरक्षक नानासाहेब लडकत यांनी गुरुवारी (दि.31) रोजी पदभार स्वीकारला. विशेष म्हणजे त्यांना सरकारी लाल दिव्याची गाडी असतानाही त्यांनी तबल 250 किमीचा पुणे ते कोल्हापूर सायकल प्रवास करून पदभार स्वीकारला. निसर्गाचे संवर्धनरा करा हा संदेश त्यांनी प्रवासून दिला असून त्यांच्या या कृतीचे सर्वत्र कौतुक होत आहे.
कराड येथे त्यांचे स्वागत उपसंचालक उत्तम सावंत, सहाय्यक वनसंरक्षक सुरेश साळुंखे, वनक्षेत्रपाल संदीप कुंभार, बाळकृष्ण हसबनीस यांनी केले. ते महाराष्ट्र वनसेवेत 1986-87 च्या बच मध्ये रुजू झाले. मेळघाट व्याघ्र प्रकल्पात कामाची सुरवात केली. तर संजय गांधी राष्ट्रीय उद्यान येथे ही ते सहायक वनसंरक्षक पदी होते. भारतीय वन सेवेत 2006 साली पदोन्नती मिळाली आहे. लडकत यांनी यापूर्वी जगप्रसिध ताडोबा व्याघ्र प्रकल्पाचे कोअर चे उपसंचालक म्हणून प्रभावीपणे काम पाहिले आहे. तर कोल्हापूरला पदभार स्वीकारण्या पूर्वी ते पुणे येथे वनसंरक्षक कार्य व आयोजना येथे कार्यरत होते. त्यांचे कोईम्बतुर येथे वन्यजीव प्रशिक्षण व भारतीय वन्यजीव संस्था ढेराडून येथे वन्यजीव व्यवस्थापनचा पदव्युतर डिप्लोमा यशवीपाने पूर्ण केला आहे. मानद वन्यजीव रक्षक रोहन भाटे , मानद वन्यजीव रक्षक अजित पाटील तथा क्रीएटीव्ह नेचर फ्रेंड्स चे नाना खामकर , हेमंत केंजळे यांनी त्यांचे सह्याद्री मध्ये स्वागत केले आहे.