जिल्ह्यात 237 जण कोरोनाबाधित
उपचारादरम्यान 5 बाधितांचा मृत्यू : एकूण रुग्णसंख्या 47,169
Published:Nov 03, 2020 04:21 PM | Updated:Nov 03, 2020 04:21 PM
News By : Muktagiri Web Team
जिल्ह्यात मंगळवारी दिवसभरात 237 जणांचा रिपोर्ट कोरोना पॉझिटिव्ह आला तर 5 बाधितांचा उपचारादरम्यान मृत्यू झाला.
सातारा : जिल्ह्यात मंगळवारी दिवसभरात 237 जणांचा रिपोर्ट कोरोना पॉझिटिव्ह आला तर 5 बाधितांचा उपचारादरम्यान मृत्यू झाला. जिल्ह्यात आजअखेर 47169 जणांना कोरोनाची बाधा झाली आहे तर 42680 जण उपचारानंतर बरे होवून घरी परतले आहेत. दुदैवाने 1568 जणांचा कोरोनामुळे जिल्ह्यात बळी गेला आहे. सध्या उपचारार्थ रुग्णांची संख्याही तीन हजारांच्याही आत आली आहे.
546 नागरिकांना दिला आज डिस्चार्ज
जिल्ह्यात विविध रुग्णालयात आणि कोरोना केअर सेंटर, डिसीएचसी व सीसीसीमध्ये उपचार घेत असलेल्या आज संध्याकाळपर्यंत 546 नागरिकांना घरी सोडण्यात आले असून 348 जणांचे नमुने तपासणीसाठी पाठविण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
348 जणांचे नमुने पाठविले तपासणीला
स्व. क्रांतीसिंह नाना पाटील सर्वसाधारण रुग्णालय सातारा येथील 47, कराड येथील 6, फलटण येथील 6, कोरेगांव येथील 54, वाई येथील 25, खंडाळा येथील 14, रायगांव येथील 27, पानमळेवाडी येथील 24, मायणी येथील 18, महाबळेश्वर येथील 10, पाटण येथील 33, दहिवडी येथील 24, म्हसवड येथील 7, पिंपोडा येथील 5 व कृष्णा मेडीकल कॉलेज कराड येथील 48 असे एकूण 348 जणांचे नमुने तपासणीला पाठविण्यात आले आहे, असेही जिल्हा शल्यचिकित्सक डॉ. सुभाष चव्हाण यांनी सांगितले.