‘कोरोनामुळे शाळा बंद आहेत, त्यात मुलांना कोठेही जाण्याचे फिरण्याचे बंद असल्याने त्यांचे बिघडलेले मानसिक स्वास्थ्य सुरळीत करण्यास नृत्य किती फायदेशीर आहे. नृत्यामुळे फक्त शरीराचाच नाही तर मनाचाही व्यायाम होत असल्याने सर्व वयोगटातील व्यक्तींनी नृत्य केल्यास आपले स्वास्थ्य निरोगी राण्यासाठी मदत होईल,’ असे मत यावेळी अभिनेता दिग्दर्शक महेश सोनावणे यांनी व्यक्त केले.
सातारा : ‘कोरोनामुळे शाळा बंद आहेत, त्यात मुलांना कोठेही जाण्याचे फिरण्याचे बंद असल्याने त्यांचे बिघडलेले मानसिक स्वास्थ्य सुरळीत करण्यास नृत्य किती फायदेशीर आहे. नृत्यामुळे फक्त शरीराचाच नाही तर मनाचाही व्यायाम होत असल्याने सर्व वयोगटातील व्यक्तींनी नृत्य केल्यास आपले स्वास्थ्य निरोगी राण्यासाठी मदत होईल,’ असे मत यावेळी अभिनेता दिग्दर्शक महेश सोनावणे यांनी व्यक्त केले.
जागतिक महिला दिनानिमित्त रिदम् कला आणि साहित्य अकादमी तर्फे फक्त महिलांचा सत्कार न करता त्यांच्या मुलींचाही सत्कार करण्यात आला.
यावेळी प्रमुख पाहुणे री. सुभेदार मेजर अशोक चाळके, रिदम कला आणि साहित्य अकादमीचे अध्यक्ष महेश सोनावणे, शिवशंभू प्रतिष्ठानच्या संचालिका शुभांगी जांभळे पाटील यांच्या हस्ते वैभवी सिंह, समृद्धी जाधव, शिवानी शिंदे या मुलींना वर्ल्ड रेकॉर्ड प्रमाणपत्र देऊन गौरवण्यात आले.
तसेच महेश सोनावणे यांच्या वाढदिवसानिमित्त गार्गी शेलार, स्पर्श बाल्वांकर, मधुश्री वदरुडे, रेवा सातपुते, ऋतुजा सोनवले, श्रावणी सोनवले, संस्कृती पुल्वाले या मुलींनी बेटी बचाओ, सेव्ह गर्ल, मेरी माँ, व्यसन करू नका या सामाजिक संदेश देणार्या गाण्यांवर अकादमीच्या मुलींनी नृत्य सादर केली.
अकादमीच्या दुसर्या शाखेत आई मला खेळायला जायचे, आई मला पावसात जाऊदे, अशा गाण्यांवर नृत्य सादर केले.
यावेळी वैभवी सिंह हिने आई आणि मुलांमधील नाजूक नाते यावर आपले मनोगत व्यक्त केले.
सर्व मुलींचे शिवशंभू प्रतिष्ठानचे अध्यक्ष नितीन जांभळे-पाटील आणि शंभू भक्त किरण गुजर यांनी अभिनंदन केले.