सातारा जिल्ह्यात कोरोना संसर्ग रोखण्यासाठी युद्धपातळीवर प्रयत्न सुरू आहेत. शिवाजी महाराज संग्रहालयात उभारण्यात आलेल्या सुसज्ज जिल्हा कोविड सेंटर हॉस्पिटलला पोदार एज्युकेशन स्पोर्टस् अँड ट्रस्ट मुंबई यांनी अडीच लाखांचा धनादेश व पोदार इंटरनॅशनल स्कूल सातारा, यांच्याकडून एक लाखाचा धनादेश जिल्हाधिकारी शेखर सिंह यांच्याकडे सुपूर्त केला.
सातारा : सातारा जिल्ह्यात कोरोना संसर्ग रोखण्यासाठी युद्धपातळीवर प्रयत्न सुरू आहेत. शिवाजी महाराज संग्रहालयात उभारण्यात आलेल्या सुसज्ज जिल्हा कोविड सेंटर हॉस्पिटलला पोदार एज्युकेशन स्पोर्टस् अँड ट्रस्ट मुंबई यांनी अडीच लाखांचा धनादेश व पोदार इंटरनॅशनल स्कूल सातारा, यांच्याकडून एक लाखाचा धनादेश जिल्हाधिकारी शेखर सिंह यांच्याकडे सुपूर्त केला. प्राचार्य ए. के. सिंग यांच्या प्रेरणेतून व पुढाकाराने सर्व शिक्षक व शिक्षकेतर कर्मचारी यांच्या सहकार्यातून आर्थिक मदत उभारण्यात आली.
शिक्षण क्षेत्रातच नव्हे तर सामाजिक क्षेत्रातही पोदार स्कूल सातारा, हे नेहमीच अग्रेसर राहिलेले आहे. यापूर्वीही अनेक वेळा पोदार स्कूल साताराने, नैसर्गिक आपत्तीच्या वेळी आपला मदतीचा हात पुढे केला आहे. मागील वर्षी कोल्हापूर आणि सांगली या ठिकाणी आलेल्या महापुराच्या वेळी पोदार स्कूल सातारा, मधील शिक्षक, शिक्षकेतर कर्मचारी, विद्यार्थी व पालक या सर्वांनी उत्स्फूर्तपणे मदत केली होती आणि आता या कोरोनाच्या संकट काळात देखील पोदार स्कूल सातारा, या मदत कार्यात कोठेही मागे नाही. पोदार इंटरनॅशनल स्कूल सातारच्या कला विभागातील शिक्षकांनी आनंदी वातावरण निर्मितीसाठी इंद्रधनुषी रंगांनी हॉस्पिटलच्या भिंतींवर सुंदर रचना साकार केली.
वृक्ष माणसांमध्ये आनंद आणि उत्साहाची भावना निर्माण करतात. आपल्याला जगण्यासाठी झाडे महत्त्वपूर्ण भूमिका बजावतात. कारण, ते विनामूल्य ऑक्सिजन देतात म्हणून या हॉस्पिटलच्या आवारात वृक्षारोपण कार्यक्रम ही घेण्यात आला.
या वेळी पोदार इंटरनॅशनल स्कूलचे प्राचार्य ए. के. सिंग, उपप्राचार्य विशाल साळुंखे, वरिष्ठ प्रशासकीय व्यवस्थापक मनोज जाधव, प्रशासकीय अधिकारी विभाकर वाळिंबे, शिक्षक व शिक्षकेतर कर्मचारी, सातारचे जिल्हाधिकारी शेखर सिंह, ‘क्रीडाई संस्थे’चे पदाधिकारी सुप्रसिद्ध अभिनेते सयाजी शिंदे आणि विविध क्षेत्रांतील मान्यवर उपस्थित होते.
ज्ञानदानाच्या कामाबरोबर इतरही स्थानिक सामाजिक उपक्रमात पोदार इंटरनॅशनल स्कूल सातारची टीम नेहमी सहभागी होत असते. माणसांमधील माणुसकी माणसांनी जपायला हवी, सहकार्यातून यथाशक्ती मदत करायला हवी, जणू हा संदेश पोदार स्कूल साताराने आपल्या कृतीतून साध्य केला आहे आणि सामाजिक बांधिलकी जोपासण्याची परंपरा कायम ठेवली आहे.