वाढदिवसाच्या खर्चाला फाटा देत बाधित रुग्णांवर केला खर्च
माजी स्वीकृत नगरसेवक काकासाहेब बनसोडे यांचा उपक्रम
Published:May 16, 2021 08:53 AM | Updated:May 16, 2021 08:53 AM
News By : वडूज प्रतिनिधी I आकाश यादव
वडूज शहरातील तसेच प्रभागातील नागरिकांना उपचार वेळेत मिळावे यासाठी स्व खर्चातून मोफत रुग्णवाहिका सुरू करण्यासाठी प्रयत्नशील आहे. रुग्णसेवा हीच ईश्वर सेवा असून लवकरच मोफत रुग्णवाहिका सुरू करणार असल्याचे माजी स्वीकृत नगरसेवक काकासाहेब बनसोडे यांनी पत्रकारांशी बोलताना सांगितले.
वडूज नगरपंचायतीचे माजी स्वीकृत नगरसेवक श्रीकांत उर्फ काकासाहेब बनसोडे यांनी आपल्या वाढदिवसाचा खर्च टाळून कोरोना बाधित रुग्णांवर खर्च करीत सामाजिक बांधिलकी जपली. त्यांच्या या उपक्रमाचे शहरातील नागरिकांनी कौतुक केले आहे. याबाबत अधिक माहिती अशी की श्री बनसोडे यांचा आज वाढदिवस होता. मात्र नेहमी प्रमाणे वाढदिवसाला येणारा हजारो रुपयांचा खर्च टाळून त्याच खर्चातुन सातेवाडी येथील आयसोलेशन सेंटरला कोरोना बाधित रुग्णांना चांगल्या दर्जाची औषधे, मास्क ,सेनेटायझर हे विक्रम रोमन, ग्रामपंचायत सदस्य संतोष काळे, सोसायटी चेरमन चांगदेव माने यांच्याकडे दिले. तर सातेवाडी येथे सुरू असलेले हुतात्मा स्मृती याठिकाणी रुग्णांना खाण्यासाठी अंडी, तसेच वापरासाठी मास्क, सेनेटायझर, व रुग्णांना एक वेळचे पौष्टिक जेवण दिले. काकासाहेब बनसोडे यांचे समर्थक सचिन गुरव यांनी पुढाकार घेऊन याठिकाणी असलेल्या कोरोना बाधित रुग्णांना लागणाऱ्या सुविधेबाबत माहिती श्री बनसोडे यांना दिली होती. दरम्यान तातडीने रुग्णांना लागणारे साहित्य श्री बनसोडे यांनी याठिकाणी पोहच केले. यावेळी खटाव पंचायत समितीचे माजी सभापती संदीप मांडवे उर्फ पिंटू पैलवान, रवींद्र गोडसे, भगवे वादळ ग्रुपचे अध्यक्ष धनाजी गोडसे, जनता गॅरेजचे लखन पवार, सुयोग पवार, हणमंत पवार, तसेच सुशांत पार्लेकर, रिहान मुल्ला, श्याम महापुरे, निखिल खरात, आदी उपस्थित होते. नेहमीच राजकारणाबरोबरच सामाजिक कार्यात अग्रेसर असणारे काकासाहेब बनसोडे यांनी राबवलेल्या या उपक्रमाने नागरिकांनी त्यांचे कौतुक केले. यासाठी त्यांना चंद्रकांत कोकाटे, सूर्यकांत कोकाटे, राहुल लोहार, अक्षय लोहार, वैभव लोहार, अविनाश माने, आनंदा लोहार, सागर पाटोळे विजय पाटोळे यांनी या उपक्रमासाठी पुढाकार घेतला होता. श्री बनसोडे यांनी लॉकडाऊन काळात ही त्यांनी आपल्या प्रभागातील नागरिकांना जीवनावश्यक वस्तूचे वाटप केले होते. या महामारीच्या काळात लोकांना लागेल ती मदत करणार असल्याचे ते म्हणत आहेत.