सातारच्या माजी उपनगराध्यक्ष आणि सातारा विकास आघाडीच्या माजी नगरसेविका दीपाली गोडसे यांची मानव सुरक्षा सेवा संघाच्या जिल्हाध्यक्षपदी निवड झाली आहे. खा. उदयनराजे भोसले यांच्या हस्ते त्यांना नियुक्तीपत्र देण्यात आले.
सातारा : सातारच्या माजी उपनगराध्यक्ष आणि सातारा विकास आघाडीच्या माजी नगरसेविका दीपाली गोडसे यांची मानव सुरक्षा सेवा संघाच्या जिल्हाध्यक्षपदी निवड झाली आहे. खा. उदयनराजे भोसले यांच्या हस्ते त्यांना नियुक्तीपत्र देण्यात आले.
उपनगराध्यक्ष मनोज शेंडे, साविआचे पक्ष प्रतोद अ‍ॅड. डी. जी. बनकर, पाणीपुरवठा समिती सभापती सीता हादगे, स्नेहा नलवडे, अनिता घोरपडे, माजी उपनगराध्यक्ष व नगरसेवक सुहास राजेशिर्के मानव सेवा संघाच्या प्रदेश कार्यकारिणी सदस्य रेणू येळगावकर, राजू गोडसे उपस्थित होते.
सप्ततारा महिला मंडळ, महिला बचत गट, सप्ततारा ज्येष्ठ नागरिक संघ यांच्या माध्यमातून समाजोपयोगी उपक्रम राबविणार्‍या दीपाली गोडसे यांची या संघटनेच्या जिल्हाध्यक्षपदी झालेली निवड योग्य आहे. त्यांच्या माध्यमातून कोणत्याही क्षेत्रातील अन्यायग्रस्त नागरिकांना न्याय मिळेल, असा विश्‍वास खा. उदयनराजे यांनी व्यक्त केला.
रेणू येळगावकर म्हणाल्या, ‘दीपाली गोडसे यांची समाजाबद्दलची तळमळ, दहा वर्षे नगरसेविका असताना सातारा शहरात राबविलेल्या योजना, पद नसतानासुद्धा पाच वर्षे समाजासाठी कार्यरत राहिल्याने आज त्यांची मानव सुरक्षा सेवा संघाच्या जिल्हाध्यक्षपदी निवड करण्यात आली आहे. त्याबद्दल राष्ट्रीय अध्यक्ष दिलीप कंखर, उपाध्यक्ष गणेश डवरी, राष्ट्रीय प्रमुख अरूण पांडव यांच्या वतीने त्यांना शुभेच्छा देते.’
गोडसे म्हणाल्या, ‘संघटनेची जिल्हा कार्यकारिणी लवकरच निवडण्यात येईल. सातार्‍यात राज्यस्तरीय महामेळावा आयोजित करून गोरगरीब, कष्टकरी, वंचितांच्या समस्या तातडीने सोडवण्याचा प्रयत्न करू.’
