कोरोनासारख्या महामारीतून अवघा देश सावरत असतानाच दिवाळीचा सण येत आहे. या पार्श्वभूमीवर आपल्या मनोरंजक कथा-कविता, वैचारिक लेख, कोरोनानंतरचे जग, विनोद अशा अनेक साहित्याची मेजवानी देणारा वाचकांच्या आवडीच्या ‘मुक्तागिरी दिवाळी अंका’चे आमदार शिवेंद्रसिंहराजे भोसले यांच्या हस्ते बुधवारी सातारा येथे मुक्तागिरी कार्यालयात प्रकाशन झाले. सर्वांनी आवर्जून वाचावा असा दर्जेदार दिवाळी अंक केल्याचे गौरवोद्गार आ. शिवेंद्रराजे भोसले यांनी काढले.
सातारा : कोरोनासारख्या महामारीतून अवघा देश सावरत असतानाच दिवाळीचा सण येत आहे. या पार्श्वभूमीवर आपल्या मनोरंजक कथा-कविता, वैचारिक लेख, कोरोनानंतरचे जग, विनोद अशा अनेक साहित्याची मेजवानी देणारा वाचकांच्या आवडीच्या ‘मुक्तागिरी दिवाळी अंका’चे आमदार शिवेंद्रसिंहराजे भोसले यांच्या हस्ते बुधवारी सातारा येथे मुक्तागिरी कार्यालयात प्रकाशन झाले. सर्वांनी आवर्जून वाचावा असा दर्जेदार दिवाळी अंक केल्याचे गौरवोद्गार आ. शिवेंद्रराजे भोसले यांनी काढले.
या वेळी दै.‘मुक्तागिरी’चे संपादक अनिल देसाई, देसाई उद्योग समूहाचे डायरेक्टर विजय देसाई, माजी नगरसेवक भालचंद्र निकम, शिवानी घोरपडे, ‘मुक्तागिरी’चे कार्यकारी संपादक दीपक देशमुख, संगणक विभागातील प्रियांका शिंदे, जाहिरात व्यवस्थापक विनय गदो, संतोष गोडसे, प्रिंटिंग विभागातील सुधीर भोर, मुक्तागिरी न्यूज चॅनेलचे विजय लासुरे, राखी मुंदडा, महानता कटारिया, आकाश कासुर्डे, मुक्तांगण विभागातील रूपाली गडकरी तसेच मुक्तागिरी परिवार उपस्थित होता.
‘मुक्तागिरी’ने जिल्ह्याचे मुखपत्र म्हणून ओळख निर्माण केली आहे. दरवर्षी ‘मुक्तागिरी’च्या दिवाळी अंकाची वाचकांना उत्सुकता होती. यावर्षी कोरोनाच्या महामारीने कहर केला होता. तथापि, महिनाभरापासून रुग्णवाढीचा दर कमी आला आहे. यातून सावरत असतानाच दिवाळीचा सण येत आहे. या पार्श्वभूमीवर दै. ‘मुक्तागिरी’ने यावर्षीचा दिवाळी विशेषांक प्रकाशित केला आहे. दर्जेदार साहित्याने नटलेल्या ‘मुक्तागिरी’च्या दिवाळी अंकाचा प्रकाशन सोहळा सातार्याचे आमदार शिवेंद्रसिंहराजे भोसले यांच्यासह मान्यवरांच्या उपस्थितीत उत्साहात संपन्न झाला.
या दीपावली अंकाचे आ. श्री. छ. शिवेंद्रसिंहराजे भोसले यांच्यासह उपस्थित मान्यवरांनी कौतुक करत दर्जेदार व वाचनीय असा अंक वाचकांसाठी उपलब्ध करून दिल्याबद्दल आभार मानले.
या वेळी सातारकरांना दिवाळीच्या शुभेच्छा देतानाच आ. शिवेंद्रराजे यांनी कोरोनाबाबत खबरदारी बाळगण्याचेही आवाहन केले. सध्या नुकतेच कोरोनाच्या रुग्णवाढीचा वेग मंदावला आहे. मात्र, नागरिकांनी गाफील न राहता शासनाचे सर्व नियम पाळून दिवाळी साजरी करावी, असे आवाहन केले.
दै.‘मुक्तागिरी’ने सुरुवातीपासूनच आपल्या सडेतोड लेखणीतून सर्वसामान्यांच्या प्रश्नांना वाचा फोडली आहे. विविध बातम्यांच्या माध्यमातून दर्जेदार अंक देतानाच मुक्तागिरी परिवारात वाढ झाली असून मुक्तागिरी चॅनेल, मुक्तागिरी न्यूज पोर्टल असे विविध विभाग वाढले आहेत. दिवाळीच्या पार्श्वभूमीवर ‘मुक्तागिरी’ने वाचकांना वाचनीय असा दिवाळीचा अंक सादर केला आहे. त्यामुळे दिवाळीनिमित्त चांगली साहित्यिक मेजवानी वाचकांना मिळणार आहे.
- आमदार शिवेंद्रसिंहराजे भोसले