रिपब्लिकन पार्टी ऑफ इंडिया (आठवले गटाच्या) फलटण तालुक्यातील नूतन कार्यकारिणीच्या निवडी नुकत्याच जाहीर झाल्या असून, यामध्ये ‘रिपाइं’ आठवले गट फलटण तालुकाध्यक्षपदी संजय निकाळजे व फलटण शहराध्यक्षपदी लक्ष्मण अहिवळे यांची बिनविरोध निवड झाली.
फलटण : रिपब्लिकन पार्टी ऑफ इंडिया (आठवले गटाच्या) फलटण तालुक्यातील नूतन कार्यकारिणीच्या निवडी नुकत्याच जाहीर झाल्या असून, यामध्ये ‘रिपाइं’ आठवले गट फलटण तालुकाध्यक्षपदी संजय निकाळजे व फलटण शहराध्यक्षपदी लक्ष्मण अहिवळे यांची बिनविरोध निवड झाली. तसेच फलटण शहर युथ अध्यक्षपदी सागर लोंढे यांची फेरनिवड करण्यात आली. यावेळी नूतन पदाधिकार्यांचा नियुक्तपत्र देऊन सन्मान करण्यात आला.
येथील बुद्धविहारमध्ये हा निवडीचा कार्यक्रम घेण्यात आला होता. याप्रसंगी पश्चिम महाराष्ट्र संघटक मधुकर काकडे, जिल्हा सचिव विजय येवले, जिल्हा सरचिटणीस मुन्ना शेख, जिल्हा नेते राजू मारुडा आदी मान्यवर उपस्थित होते.
यावेळी मधुकर काकडे म्हणाले, ‘नूतन पदाधिकार्यांनी पक्ष वाढीसाठी प्रयत्न केले पाहिजेत तसेच लोकांना पक्षाची ध्येय धोरणे काय आहेत, हे समाजापुढे मांडले पाहिजे. त्यांनी यावेळी नूतन पदाधिकार्यांचे अभिनंदन करून भावी वाटचालीस शुभेच्छा दिल्या.’
मुन्ना शेख म्हणाले, ‘नवीन सर्व पदाधिकार्यांनी आतापासूनच कामाला लागून मोठ्या प्रमाणात पक्षाचा प्रचार आणि प्रसार करणे गरजेचे आहे. तसेच येणार्या काळात पक्षाची मोठी फौज निर्माण झाली पाहिजे, असा सूतोवाच त्यांनी केला.’
या कार्यक्रमाचे मुन्ना शेख यांनी सुत्रसंचालन करून आभार मानले.