सातारा : जिल्ह्यात गुरुवारी दिवसभरात 149 बाधितांची नोंद झाली असून, 3 कोरोनाबाधितांचा उपचारादरम्यान मृत्यू झाला आहे. तर 211 जणांनी कोरोनावर यशस्वी मात केली आहे.

जिल्ह्यात आणखी 211 जण कोरोनामुक्त
जिल्ह्यात विविध रुग्णालयांत आणि कोरोना केअर सेंटर, डिसीएचसी व सीसीसीमध्ये उपचार घेत असलेले 211 जण कोरोनामुक्त झाल्याने त्यांना घरी सोडण्यात आले आहे. 

235 जणांचे स्त्राव तपासणीला 
स्व. क्रांतिसिंह नाना पाटील सर्वसाधारण रुग्णालय, सातारा येथील 10, कराड 8, फलटण 15, कोरेगाव 13, वाई 19, खंडाळा 15, रायगाव 23, पानमळेवाडी 16, महाबळेश्‍वर 2, दहिवडी 20, म्हसवड 16, पिंपोडे 5, तरडगाव 22, कृष्णा मेडिकल कॉलेज, कराड 51 अशा एकूण 235 जणांचे नमुने तपासणीला पाठवण्यात आल्याचे जिल्हा शल्यचिकित्सक डॉ. सुभाष चव्हाण यांनी सांगितले.