सातारा : जिल्ह्यात दिवसेंदिवस कोरोनाबाधितांची संख्या वाढतच असून, गुरुवारी दिवसभरात 915 नव्या बाधितांची नोंद झाली आहे. दरम्यान, 30 बाधितांचा उपचारादरम्यान मृत्यू झाला आहे. तर 1003 जण कोरोनावर मात करून घरी परतले आहेत. 

जिल्ह्यात आणखी 1003 जण कोरोनामुक्त
जिल्ह्यात गुरुवारी दिवसभरात विविध रुग्णालयांत आणि कोरोना केअर सेंटर, डिसीएचसी व सीसीसीमध्ये उपचार घेत असलेले 1003 जण कोरोनामुक्त झाल्याने त्यांना घरी सोडण्यात आले असून, 906 जणांचे नमुने तपासणीसाठी पाठवण्यात आल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
 
906 जणांचे स्त्राव तपासणीला 
स्व. क्रांतिसिंह नाना पाटील सर्वसाधारण रुग्णालय, सातारा येथील 47, उपजिल्हा रुग्णालय, कराड 12, उपजिल्हा रुग्णालय, फलटण 70, कोरेगाव 69, वाई 88, खंडाळा 68, रायगाव 120, पानमळेवाडी 158, मायणी 30,  महाबळेश्‍वर 55, दहिवडी 20, खावली 20,  तळमावले 37 व कृष्णा मेडिकल कॉलेज, कराड 132 अशा एकूण 906 जणांचे नमुने तपासणीला पाठवण्यात आले आहेत.