सातारा : गडकरी आळी येथील जय भवानी विकास मंडळ व शिवगणेश ग्रुपमार्फत शिवजयंतीचे औचित्य साधून कोरोना महामारीच्या या काळामध्ये खर्‍या अर्थाने ज्यांनी मोलाची कामगिरी बजावली अशा कोरोना योद्ध्यांचा मंडळाच्या वतीने सन्मान करण्यात आला. यावेळी मंडळातील युवकांचे कार्य आदर्शवत असल्याचे सपोनि विशाल वायकर यांनी सांगितले.

शिवजयंती कार्यक्रमात सकाळी सर्व महिलांच्या हस्ते शिवज्योतीचे पूजन करण्यात आले. त्यानंतर दुपारी परिसरातील महिलांच्या उपस्थितीत पाळणा घेण्यात आला. तसेच सायंकाळी छत्रपती शिवाजी महाराजांच्या मूर्तीचे पूजन करून कोरोना महामारीच्या काळामध्ये ज्यांनी खर्‍या अर्थाने मोलाची कामगिरी बजावली अशा डॉक्टर, पोलीस, आशासेविका, अंगणवाडी सेविका, मदतनीस, ग्रामपंचायत कर्मचारी, मेडिकल विक्रेते या सर्व कोरोना योद्ध्यांचा सन्मान प्रमुख पाहुणे उपसरपंच राजेंद्रशेठ गिरीगोसावी यांच्यामार्फत शाहूपुरी पोलीस ठाण्याचे सपोनि विशाल वायकर, उपनगराध्यक्ष किशोर शिंदे, पो.उपनिरीक्षक विश्‍वास कडव, अजित ग्रामोपाध्ये, जगन्नाथ गोसावी यांच्या हस्ते करण्यात आला. तसेच कोरोना महामारीच्या काळामध्ये नागरिकांच्या आरोग्याच्या दृष्टीने अतिशय जागरूक राहून प्रभागामध्ये काम केल्याबद्दल नागरिकांच्यावतीने उपसरपंच राजेंद्रशेठ गिरीगोसावी यांचा सन्मान करण्यात आला.

यावेळी अमित मोरबाळे यांनी सूत्रसंचालन केले. अमोल गोसावी यांनी आभार मानले. कार्यक्रमास मंडळाचे कार्यकर्ते व परिसरातील नागरिक उपस्थित होते.