अंबवडे, ता. खटाव येथील वि.का.स.सेवा सोसायटीच्या अध्यक्षपदी गावातील आ. प्रभाकर घार्गे यांचे समर्थक युवा कार्यकर्ते दत्तात्रय प्रल्हाद पवार यांची बिनविरोध निवड झाली आहे. तर उपाध्यक्षपदी बाळासाहेब कुंडलिक पवार यांना संधी देण्यात आली आहे.
निमसोड : अंबवडे, ता. खटाव येथील वि.का.स.सेवा सोसायटीच्या अध्यक्षपदी गावातील आ. प्रभाकर घार्गे यांचे समर्थक युवा कार्यकर्ते दत्तात्रय प्रल्हाद पवार यांची बिनविरोध निवड झाली आहे. तर उपाध्यक्षपदी बाळासाहेब कुंडलिक पवार यांना संधी देण्यात आली आहे.
यापूर्वीचे अध्यक्ष अजित पवार यांनी गावपातळीवरील समझोत्यानुसार राजीनामा दिल्याने रिक्त झालेल्या अध्यक्ष, उपाध्यक्ष पदासाठी सहायक निबंधक उमेश उमरदंड यांच्या अध्यक्षतेखाली विशेष बैठक झाली.
या बैठकीत अध्यक्ष पदासाठी मावळते अध्यक्ष अजितदादांनी दत्ता पवार यांचे नाव सुचविले त्यास मावळते उपाध्यक्ष भीमराव खिलारे यांनी अनुमोदन दिले. तर बाळासो पवार यांच्या उपाध्यक्ष पदासाठी गोरख पवार, राजेंद्र नाईक अनुक्रमे सूचक, अनुमोदक होते.
निवडीप्रसंगी सरपंच देविदास पवार, रवींद्र पवार, हणमंतराव देशमुख, प्रकाश नलवडे, ज्ञानेश्वर इंगवले, बाळासाहेब पवार, दादाशेठ कदम, साहेबराव नाईक, महादेव पवार, पोपटराव वाघ, सुखदेव पवार, संभाजी पवार, हरिदास पाटील, संदीप नाईक, अजित चन्ने, धोंडिराम पवार, कुसुम पवार आदींसह मान्यवर उपस्थित होते.
दत्तात्रय पवार यांच्या निवडीनंतर कार्यकर्त्यांनी गुलालाची उधळण व फटाक्याची आतशबाजी केली. या निवडीबद्दल त्यांचे जिल्हा बँकेचे संचालक प्रभाकर घार्गे, प्रदीप विधाते, अर्जुनराव खाडे, नंदकुमार मोरे आदींसह परिसरातील मान्यवरांनी अभिनंदन केले.
सचिव राजेंद्र खटावकर यांनी प्रास्ताविक करून स्वागत केले.