गेल्या कित्येक दिवसांपासून सातार्यातील वरच्या रस्त्यावर वाहनचालकांना अडथळा ठरणारी व्हॉल्व्हवर बसवलेली लोखंडी जाळी नगरपालिका प्रशासनाने हटवली आहे. त्याखालील जलवाहिनीच्या व्हॉल्व्हची दुरुस्ती झाल्यानंतर त्याठिकाणी पुन्हा जाळी न बसविता तेथे काँक्रिटीकरण करण्यात येणार आहे.
सातारा : गेल्या कित्येक दिवसांपासून सातार्यातील वरच्या रस्त्यावर वाहनचालकांना अडथळा ठरणारी व्हॉल्व्हवर बसवलेली लोखंडी जाळी नगरपालिका प्रशासनाने हटवली आहे. त्याखालील जलवाहिनीच्या व्हॉल्व्हची दुरुस्ती झाल्यानंतर त्याठिकाणी पुन्हा जाळी न बसविता तेथे काँक्रिटीकरण करण्यात येणार आहे.
सातारा येथे वरच्या रस्त्यावर मेळवणे जलकुंभाच्या जवळ पाण्याच्या व्हॉल्व्हवर बसवलेली लोखंडी जाळी वाहनचालकांना नेहमीच त्रासदायक ठरली होती. या ठिकाणी जाळीमध्ये दुचाकी अडकून अनेकदा किरकोळ अपघात झाले होते. त्यामुळे बहुतांश वाहन चालक जाळी चुकवण्याच्या नादात रस्त्याच्या विरुद्ध बाजून जात होते. त्यामुळेही गेल्या काही वर्षात छोटे-मोठे अपघात झाले आहेत.
दरम्यान, 20 फेब्रुवारी रोजी व्हॉल्व्ह दुरुस्तीच्या निमित्ताने अवजड लोखंडी जाळी जेसीबी लावून काढण्यात आली. त्याठिकाणी सध्या व्हॉल्व्ह दुरुस्तीचे काम सुरू आहे. हे काम झाल्यानंतर त्या ठिकाणी पुन्हा जाळी न बसवता तेथे पुन्हा खडी सिमेंटने काँक्रिटीकरण केले जाणार आहे, अशी माहिती पालिकेच्या वतीने देण्यात आली.
अनेक दिवसांपासून लोकांना त्रासदायक ठरणारी जाळी काढल्याने वाहन चालकामधून समाधान होत आहे.