*कुसुंबी, 3 मे 2026:* श्रीक्षेत्र कुसुंबीच्या शिरपेचात मानाचा तुरा रोवत येथील सुपुत्र सचिन देवेंद्र सुतार यांची पोलीस उपनिरीक्षक पदी निवड झाल्याबद्दल जांभूळवाडी (कुसुंबी) येथे मोठ्या उत्साहात सत्कार करण्यात आला. 

श्री. गणेश मित्र मंडळ जांभूळवाडी व ग्रामस्थांच्या वतीने आयोजित कार्यक्रमात सचिन सुतार यांना मायेची शाल व श्री गणरायाचा प्रसाद श्रीफळ देऊन यथोचित सन्मानित करण्यात आले. कुसुंबी गावच्या भूमीतून पोलीस दलात अधिकारी पदावर निवड झाल्याने ग्रामस्थांमध्ये आनंदाचे वातावरण आहे.

यावेळी मंडळाचे पदाधिकारी, ग्रामस्थ व युवक मोठ्या संख्येने उपस्थित होते. “सचिनने कुसुंबीचे नाव उंचावले आहे. त्याच्या पुढील वाटचालीस आमच्या शुभेच्छा,” अशा भावना यावेळी ग्रामस्थांनी व्यक्त केल्या. 

पोलीस उपनिरीक्षक पदी निवड झाल्याबद्दल सचिन सुतार यांनी सर्व ग्रामस्थांचे व मंडळाचे आभार मानले. ग्रामीण भागातील युवकांनी स्पर्धा परीक्षेकडे वळावे, असा संदेशही त्यांनी यावेळी दिला