वडूज/ प्रतिनिधी 

  येथील तहसिलदार कार्यालयाच्या परिसरात व उपविभागीय पोलिस अधिकारी यांच्या कार्यालयाच्या काही अंतरावर असलेल्या गोदामाच्या भिंतीलगत एका इसमाचा मृतदेह आढळून आल्याची घटना वडूज येथे घडली होती. 

रजनीकांत व्यंकाप्पा वाडियार (वय २६,रा.वडूज) असे मृत व्यक्तीचे नाव आहे. दरम्यान या मयत व्यक्तीचा अज्ञानात व्यक्तीने खून केला असल्याची घटना आता समोर आल्याने याबाबत वडूज पोलिसात खुनाचा गुन्हा नोंद करण्यात आल्याची माहिती पोलिस निरीक्षक घनश्याम सोनवणे यांनी दिली आहे. 

       याबाबत वडूज पोलिस ठाण्यातून मिळालेली अधिक माहिती अशी की वडुज ता. खटाव गावचे हददीतील तहसिल कार्यालयाचे समोरील पंचायत समितीचे बंद गोडावुन जवळ काटेरी झुडपात कोणीतरी अज्ञात इसमाने, अज्ञात कारणावरुन कोणत्यातरी धारदार शस्त्राने भोकसुन जिवे ठार मारले असल्याची फिर्याद अज्ञात इसमाविरुध्द सरकार तर्फे भारतीस न्याय संहिता कलम 103(1) प्रमाणे तक्रार करण्यात आली आहे. 

 तर या घटनेत मयत झालेल्या व्यक्तीचा मयताचा इन्क्वेस्ट पंचनामा, शवविच्छेदन अहवाल, वैदकीय अधिकारी यांनी मृत्युबाबत दिलेले अँडव्हॉन्स कॉज ऑफ डेथ सर्टिफिकेट यावरुन सदर मयत रजनीकांत व्यकंप्पा वाडीयार वय 26 वर्षे मुळ रा. ताडकल, गुलबर्ग, कर्नाटक सध्या रा. खटावरोड वड्ज ता. खटाव जि.सातारा या व्यक्तीचा खून करण्यात आल्याचे दिसून आले आहे.