महावितरणची तत्पर सेवा; पालखी सोहळ्यात अखंड वीजपुरवठा लोणंद : श्री संत ज्ञानेश्वर महाराज पालखी सोहळ्यादरम्यान महावितरणने अखंड व सुरळीत वीजपुरवठा ठेवत उत्कृष्ट नियोजनाची प्रचिती दिली. पालखी तळ, मुक्कामस्थळ, स्वागतस्थळ तसेच महत्त्वाच्या ठिकाणी वीजपुरवठा खंडित होऊ नये यासाठी अधिकारी व कर्मचाऱ्यांनी २४ तास दक्षता घेतली.
लोणंद, दि. 16 / प्रतिनिधी
पालखी सोहळ्यादरम्यान दिड दिवसाचा मुक्काम असणारी लोणंद बाजारपेठ एक मोठी बाजारपेठ असल्याने याच ठिकाणी अनेक दिंडी प्रमुख ,विश्वस्त आपले पुढील प्रवासासाठी आवश्यक सामान येथे भरून घेतात. अडीच दिवसांच्या मुक्कामामुळे इतर गावांच्या तुलनेत लोणंद वर अतिरिक्त भार पडतो. मात्र तरीही नगरपंचायत प्रशासन, माहवितरन सार्वजनिक बांधकाम, पोलीस प्रशासन, आरोग्य विभाग हे मनापासून वारकऱ्यांची सेवा करताना दिसत आहेत. मोबाईल टाॅयलेटचा विषयही त्यांनी चांगल्या प्रकारे हातळला आहे. ट्रॅफिक बाबत थोडे पुढेमागे झाले मात्र नगरपंचायत व पोलीस योग्य समन्वय साधून व्यवस्थीत नियोजन करण्याचा प्रयत्न करीत आहेत. लोणंदचे मुख्याधीकारी, लोकप्रतिनिधी वारकऱ्यांना प्रेमाने सेवा देण्याचा प्रयत्न करताना दिसत आहेत. यापुढील काळातही पदाधिकारी बदलले तरीही मागच्यांने पुढे येणारांना मार्गदर्शन करून अशीच चांगली सेवा पुरवावी कारण वारी हा श्रद्धेचा विषय आहे. असे पालखी सोहळा प्रमुख डॉ राजेंद्र उमाप म्हणाले
नगरपंचायतीकडून पाडेगाव जलशुद्धीकरण केंद्र तसेच परिसरातील पाणीसाठ्यातूनही टॅंकर व्दारे अधिक प्रमाणात पाणीपुरवठा करण्यात येत होता. वारकऱ्यांसाठी ठिकठिकाणी मदत केंद्र, फिरती शौचालयं ,आरोग्यदूत आदी सुविधा मुबलक प्रमाणात उपलब्ध करून देण्यात आला होत्या. नगरपंचायतीकडून रोजच्यारोज कचरा उचलून स्वच्छतेची काळजी घेण्यात येत होती.
तसेच यावेळेस ठिकठिकाणी शौचालयांची अधिक प्रमाणात व्यवस्था केली असल्यामुळे वारकऱ्यांची कसलीच गैरसोय झाली नाही असे प्रतिपादन केले यावेळी लोणंदच्या नगराध्यक्षा मधुमती गालींदे उपनगराध्यक्ष गणीभाई कच्छी, मुख्याधिकारी दत्तात्रय गायकवाड, नगरसेवक शिवाजीराव शेळके , सचिन शेळके, सागर शेळके, दिपाली निलेश शेळके , सुप्रिया शेळके,तृप्ती घाडगे,ज्योती डोनीकर, राहुल घाडगे, अॅड गणेश शेळके अॅड गजेंद्र मुसळे ,शंकरराव शेळके, विजय बनकर, , रोहित निबांळकर, पोपट क्षीरसागर अमोल पवार , वैभव शेळके प्रशांत नेवशे, निलेश दुरगुडे , विकास क्षिरसागर आदी मान्यवर उपस्थित होते.
