पाटण/प्रतिनिधी प.पू.श्री. स्वामी गगनगिरी उर्फ श्री. गगनांनंद महाराज चँरिटेबल ट्रस्ट यांच्या वतीने मोफत वैद्यकीय उपचार शिबीर आयोजित केले आहे याचा लाभ तालुक्यातील सर्वांनी घ्यावा असे आवाहन आयोजकांनी केले आहे. समुद्रानंद सिध्दस्थळ, समुद्रेश्वर मंदिर, मनोरी, मालाड(पश्चिम), मुंबई यांच्या वतीने परमपूज्य स्वामी गगनांनंद महाराज आश्रम मणदूरे(डफळवाडी) येथे रविवारी दि. २६ मे २०२४ रोजी सकाळी ९ ते सायंकाळी ४ पर्यंत आरोग्य शिबिराचे आयोजन केले आहे. तज्ञ डाँक्टरांच्या मार्गदर्शनाखाली शिबीर होणार असून सर्व उपचार व औषधे मोफत देण्यात येणार आहेत. या शिबिरात, डॉ. कश्यप जोशी, डॉ. धनश्याम आजगावकर, डॉ. दिपक रसाळ, डॉ. पराग नांदगांवकर यांची प्रमुख उपस्थिती राहणार आहे. शिबिरात मोफत तपासणी, औषधोपचार, चष्मे वाटप व आरोग्य सल्ला दिला जाईल. या शिबिरास मणदूरे ग्रामस्थ कार्यकारी मंडळ, डफळवाडी ग्रामस्थ कार्यकारी मंडळ यांचे सहकार्य लाभले आहे तर श्री. जानाई ट्रेडर्स यांचे सौजन्य आहे. जास्तीत जास्त लोकांनी या आरोग्य शिबिराचा फायदा घ्यावा अस आवाहन करण्यात आले आहे. शिबिराची नावनोंदणी सूरज पाटणकर, संपतराव भोसले, विक्रांत पाटील, शामराव कदम, आत्माराम सपकाळ, प्रशांत पाटणकर, सचिन पाटणकर यांच्या कडे करावी अस आवाहन आयोजकांनी आवाहन केले आहे.