कराड ः कराड-पाटण मार्गावर मुंढे (ता. कराड) गावच्या हद्दीत कंटेनर व दुचाकीचा भीषण अपघात झाला. या अपघातात दुचाकीवरील दोघे जण जागीच ठार झाले. सोमवारी सायंकाळी 7 च्या सुमारास हा अपघात झाला. याबाबत घटनास्थळावरील मिळालेली माहिती अशी, सोमवारी सायंकाळी 7 च्या सुमारास कराड-पाटण मार्गावर मुंढे ता. कराड गावच्या हद्दीत कंटेनरची दुचाकीला जोरदार धडक बसली. ही धडक इतकी भीषण होती की दुचाकीवरील दोघांचा जागीच मृत्यू झाला. घटनेची माहिती मिळताच स्थानिक ग्रामस्थांनी मदतीसाठी धाव घेतली. तसेच अपघाताची वाहतुक शाखेचे पोलीसही घटनास्थळ दाखल झाले.