आगाशिवनगर तालुका कराड येथे प्रेम संबंधातून महिलेने कुऱ्हडीने वार करून प्रियकराचा खून केल्याची घटना मंगळवारी पहाटे तीन वाजण्याच्या सुमारास घडली पोलिसांनी महिलेस ताब्यात घेतले आहे. 

राजेंद्र मरीआप्पा काळे वय 45 राहणार शिवाजी स्टेडियम च्या पाठीमागे कराड असे खून झालेल्या व्यक्तीचे नाव आहे तर सारिका चंद्रकांत कोळी राहणार इगवले वस्ती आगाशिवनगर असे ताब्यात घेतलेल्या महिलेचे नाव आहे.

याबाबत पोलिसांकडून मिळालेली माहिती अशी राजेंद्र काळे आणि सारिका कोळी यांचे प्रेम संबंध होते. राजेंद्र कोळी हा तिच्यावर संशय घेत असल्याने मंगळवारी पहाटे सारिका कोळी हिने राजेंद्र काळे याच्यावर कुऱ्हडीने वार करत त्याचा खून केला. या घटनेची माहिती मिळताच डीवायएसपी राजश्री पाटील, पोलीस निरीक्षक दत्तात्रय दराडे, गुन्हे प्रकटीकरण शाखेचे पोलीस उपनिरीक्षक निखिल मगदूम यांच्यासह कर्मचाऱ्यांनी घटनास्थळी धाव घेत महिलेस ताब्यात घेतले. पोलिसांकडून याबाबत अधिक तपास सुरू आहे.