कराड, दि. 11 ः येथील कराड-कार्वे रस्त्यावर ट्रकखाली सापडून दुचाकीस्वार ठार झाल्याची घटना मंगळवारी दुपारी 3.15 वाजण्याच्या सुमारास घडली. याबाबत घटनास्थळावरून मिळालेली माहिती अशी, कराड-कार्वे रस्त्यावर मंगळवारी दुपारी कार्वे बाजूकडून ट्रक कराडच्या दिशेने येत होता. कृषी उत्पन्न बाजार समिती गेट नंबर तीन जवळ आला असता ट्रक व दुचाकीचा भीषण अपघात झाला. या अपघातात दुचाकीस्वार ट्रकच्या चाकाखाली आल्याने त्याचा जागीच मृत्यू झाला. घटनास्थळी यावेळी बघ्यांनी मोठी गर्दी केली होती. या अपघातुळे काही काळ कराड-कार्वे रस्त्यावर काही काळ वाहतुक विस्कळीत झाली होती. अपघाताची माहिती मिळताच घटनास्थळी कराड शहर वाहतुक विभागाचे पोलीस हवालदार महाले यांच्यासह अधिकारी यांनी भेट दिली.