पुसेसावळी : वडगाव (ज. स्वा) येथील शेतकरी राजकुमार तुकाराम घार्गे व नंदकुमार मारुती नागमल यांची वडगाव ते गोरेगाव रस्त्यालगत शेती आहे. काल रात्री 8:45 वाजता त्या लाईनवरती शॉर्ट सर्किट झाल्यामुळे शेतामध्ये असलेला ऊस जळून खाक झाला. 

यामध्ये राजकुमार तुकाराम घार्गे (रा. वडगाव) यांचा 1 एकर क्षेत्रातील ऊस पीक व त्यामध्ये असलेले ठिबक सिंचन जळून अंदाजे 2 लाख रुपयांचे नुकसान झाले आहे. व त्यांच्या शेजारी असलेले नंदकुमार मारुती नागमल (रा. वडगाव) यांचा तुटून गेलेल्या उसामधील ठिबक सिंचन आगीत जळून अंदाजे 20 हजारांचे नुकसान झाले आहे. 

या झालेल्या नुकसानीचा पंचनामा वडगाव तलाठी परदेसी, गाव कामगार पोलीस पाटील किशोर नागमल, कोतवाल जालिंदर उबाळे व पंच यांच्या समवेत करण्यात आला. केलेला पंचनामा तहसीलदार वडूज (खटाव) यांच्याकडे पाठवण्यात येणार असल्याचे सांगितले.