सातारा येथील दोन वेगवेगळ्या ठिकाणाहून अज्ञात चोरट्यांनी दोन दुचाकींची चोरी केल्याची तक्रार सातारा शहर पोलीस ठाण्यात दाखल झाली आहे.
सातारा : येथील दोन वेगवेगळ्या ठिकाणाहून अज्ञात चोरट्यांनी दोन दुचाकींची चोरी केल्याची तक्रार सातारा शहर पोलीस ठाण्यात दाखल झाली आहे.
याबाबत पोलिसांनी दिलेली माहिती अशी, दि. २५ ते २६ जुलै दरम्यान सातारा जिल्हा रुग्णालयाच्या पार्किंगमधुन अज्ञात चोरट्याने दुचाकी क्रमांक एम.एच. १२ बीएस १४८५ चोरून नेल्याची तक्रार विजय सदाशिव जाधव रा. पिंपरी, ता. कोरेगाव यांनी सातारा शहर पोलीस ठाण्यात दिली आहे.
दुसऱ्या घटनेत दि.२ ऑगस्ट रोजी ११ वाजण्याच्या सुमारास बसस्थानक परिसरातील सेव्हन स्टार बिल्डिंग शेजारी पार्किंग केलेली दुचाकी क्रमांक एम.एच. ४५ आर ४४२३ अज्ञात चोरट्याने चोरून नेल्याची तक्रार सचिन किसन माने रा. मळोली, ता. माळशिरस यांनी सातारा शहर पोलीस ठाण्यात दिली आहे.
