नांदगावात ग्रामपंचायत कर्मचार्यांचा सन्मान : कामगार दिनाचे औचित्य
Published:May 06, 2021 08:56 AM | Updated:May 06, 2021 08:56 AM
News By : Muktagiri Web Team
दरम्यान गाव कामगार तलाठी कार्यालयात काम करणारे केशव कुंभार व नांदगाव हायस्कूल मध्ये काम करणारे कर्मचारी अनिल गोसावी व गजानन मिठारे यांनाही कोवीड कीट देऊन त्यांचाही सन्मान करण्यात आला.
कराड : कोरोनाच्या संकटकाळात जीवाची पर्वा न करता उन्हातानातही ग्रामपंचायतीचे कर्मचारी काम करीत आहेत. एक मे कामगार दिनाचे औचित्य साधून या कर्मचाऱ्यांचा नांदगाव येथे कोवीड किट देऊन नुकताच सन्मान करण्यात आला. त्याबद्दल कर्मचाऱ्यांनीही समाधान व्यक्त केले. नांदगाव( ता. कराड) येथील ग्रामपंचायत सदस्य प्रशांत सुकरे यांनी त्यांच्या आई दिवंगत सिंधुताई सुकरे यांच्या स्मृतिप्रीत्यर्थ हा उपक्रम राबिवला. ग्रामपंचायत कर्मचारी नितीन आंबेकर, दीपक पाटील, दिलीप पाटील, बाळासाहेब पाटील, धैर्यशिल पाटील या कर्मचाऱ्यांना कीट देण्यात आले. त्यामध्ये उन्हापासून संरक्षण मिळण्यासाठी डोक्यात घालायला टोपी, मास्कचे , हॅन्डसॅनिटायझर आधीचा समावेश आहे. प्रशांत सुकरे म्हणाले, कोरोनाचे महामारी संकट आज खूप मोठे आहे. या काळातही नांदगाव येथे ग्रामपंचायत कर्मचारी जीवाची परवा न करता प्रामाणिकपणे आपले कर्तव्य बजावत आहेत. त्यांनी काम करताना खबरदारी घेऊन करावे या भावना मी व्यक्त केल्या आहेत.पण माझीही जबाबदारी म्हणून मी त्यांना कोवीड कीट देवू केले आहे. यापुढेही कर्मचाऱ्यांना योग्य ती मदत करण्यासाठी मी कटिबद्ध आहे. यावेळी जयवंत मोहिते, सतीश कडोले, हितेश सुर्वे ,अनिकेत माळी, रघुनाथ जाधव, गणेश पाटील, मच्छिंद्र कुंभार, संजय पाटील, राहुल माटेकर अनिल पाटील,आदींची उपस्थिती होती.