उंब्रज पासून काही अंतरावर असलेल्या पश्चिम उंब्रज येथे आज रात्री ९ वाजण्याच्या दरम्यान बिबटयाने पाळीव कुत्र्यावर हल्ला केला.यात कुत्रा जागीच ठार झाला.त्यामुळे उंब्रजसह परिसरातील नागरिकांच्यात भीतीचे वातावरण तयार झाले आहे. आज रात्री ९ वाजण्याच्या दरम्यान,पश्चिम उंब्रज येथील सोरजाईदेवी मंदिर परिसरात बिबट्याचा वावर दिसून आला. यानंतर बिबट्याने संभाजी घाडगे यांच्या पाळीव कुत्र्यांवर हल्ला केला. सचिन घाडगे यांनी बॅटरीचा फोकस पाडल्यानंतर बिबट्याने कुत्र्याला सोडून पळ काढला. मात्र कुत्रा जागीच ठार झाला.त्यानंतर तानाजी घाडगे हे बिबट्याचे ठसे पाहण्यासाठी गेले असता त्यांना दत्तात्रय घाडगे यांच्या घराशेजारील आंब्याच्या झाली बिबट्या दिसला.या घटनेनंतर पश्चिम उंब्रज सह उंब्रज परिसरात ही बातमी वाऱ्यासारखी पसरली.यामुळे लोकांच्यात भीतीचे वातावरण तयार झाले आहे. समीर घाडगे:-पोलीस पाटील,पश्चिम उंब्रज सर्व नागरिकांनी सतर्क राहावे. घराशेजारी मोठ्या लाईट लावाव्या. शेतामध्ये जाताना एकट्याने न जाता समूहाने जाणे. रात्रीच्या वेळी बाहेर जाणे टाळावे. नागरिकांनी स्वतःची आणि आपल्या लहान मुलांची काळजी घ्यावी.