खटाव तालुक्यातील राजकीयदृष्ट्या महत्त्वाच्या समजल्या जाणार्या रणसिंगवाडी ग्रामपंचायतीच्या सरपंचपदी राष्ट्रवादी काँग्रेसचे सुखदेव रणसिंग तर उपसरपंचपदी विठ्ठल मसुगडे यांची बिनविरोध निवड करण्यात आली.
निढळ : खटाव तालुक्यातील राजकीयदृष्ट्या महत्त्वाच्या समजल्या जाणार्या रणसिंगवाडी ग्रामपंचायतीच्या सरपंचपदी राष्ट्रवादी काँग्रेसचे सुखदेव रणसिंग तर उपसरपंचपदी विठ्ठल मसुगडे यांची बिनविरोध निवड करण्यात आली.
नुकत्याच झालेल्या ग्रामपंचायत निवडणुकीत राष्ट्रवादी काँग्रेसचे सुखदेव रणसिंग यांच्या नेतृत्वाखालील भैरवनाथ खंडोबा ग्रामविकास पॅनेलला सर्व सात जागा मिळाल्या.
सरपंच निवडीसाठी शनिवारी झालेल्या सभेस सुखदेव रणसिंग, विठ्ठल मसुगडे, हणमंत जाधव, सुवर्णा मसुगडे, शुभांगी घाडगे, जयश्री शिंदे, नीलम फडतरे हे नवनिर्वाचित ग्रामपंचायत सदस्य हजर होते.
यावेळी निवडणूक निर्णय अधिकारी म्हणून घोरपडे व ग्रामसेवक संजय काळेल यांनी काम पाहिले.
या निवडीबद्दल सुनील फडतरे, बापूराव बागल, उदय फडतरे, लक्ष्मण जाधव, विलास जाधव, उमेश फडतरे, हणमंत जाधव, अमोल फडतरे, सुभाष पोतेकर, सुभाष शिंदे, दत्तात्रय शिंदे, शंकर मसुगडे, शंकर शिंदे, चंदकांत पालकर व ग्रामस्थांनी नूतन पदाधिकार्यांचे अभिनंदन केले.
