सातारा : सातारा पालिकेच्या वर्धापन दिनानिमित्त आयोजित केलेल्या विविध गुणदर्शन कार्यक्रमास सातारकरांनी उस्फुर्त प्रतिसाद दिला. याच अनुषंगाने पालिका कर्मचाऱ्यांच्यासाठी विविध स्पर्धांचे देखील आयोजन करण्यात आले होते.
सातारा : सातारा पालिकेच्या वर्धापन दिनानिमित्त आयोजित केलेल्या विविध गुणदर्शन कार्यक्रमास सातारकरांनी उस्फुर्त प्रतिसाद दिला. याच अनुषंगाने पालिका कर्मचाऱ्यांच्यासाठी विविध स्पर्धांचे देखील आयोजन करण्यात आले होते.
सातारा पालिकेचा सोमवारी वर्धापन दिन होता. पालिकेस 169 वर्षे पुर्ण होत असल्याच्या कारणास्तव आठ दिवस विविध कार्यक्रम स्पर्धांचे आयोजन करण्यात आले होते. महिला कर्मचाऱ्यांसाठी पाककला, रांगोळी तसेच संगीत खुर्ची तर पुरुष कर्मचाऱ्यांसाठी अजिंक्यतारा किल्ला चढणे, टेबल टेनिस, बॅडमिंटन, बास्केटबॉल, बुध्दीबळ, कॅरम आदी प्रकारातील स्पर्धा आयोजित करण्यात आल्या होत्या. यात सहभाग घेत कर्मचाऱ्यांनी आपल्यातील क्रीडाकौशल्य सिध्द केले. या स्पर्धामधील विजेत्यांना मुख्याधिकारी अभिजीत बापट यांच्या हस्ते बक्षीस वितरण करण्यात आले .
सोमवारी वर्धापन दिनाचा समारोप होणार असल्याने कर्मचाऱ्यांसाठी संगीत रजनी व विविध गुणदर्शन कार्यक्रमाचे आयोजन शाहु कला मंदिरात करण्यात आले होते. त्याचे उदघाटन मुख्याधिकारी अभिजित बापट यांच्याहस्ते झाले. यावेळी माजी नगरसेवक कल्याण राक्षे, श्रीकांत आंबेकर तसेच हेमंत जाधव, सुधीर चव्हाण व इतर मान्यवर उपस्थित होते.
उदघाटनानंतर वैयक्तीक नृत्य, गाणी, समुह नृत्याचे सादरीकरण करण्यात आले. यात पालिकेचे अभियंते सुधीर चव्हाण, अनंत प्रभुणे, गुरुनाथ गवारी, सचीन मस्के, सोमनाथ पवार, बाळू गायकवाड, संतोष खुडे, किर्ती साळुंखे, अभिषेक अडागळे, विजय खवले व इतर कर्मचाऱ्यांनी हिंदी, मराठी गाणी सादर केली. या कार्यक्रमास उपस्थितांनी मनापासून दाद दिली.
