कराड : महाराष्ट्र राज्याचे उपमुख्यमंत्री ना. अजित पवार यांचे आज कराडमध्ये आगमन होताच भारतीय जनता पार्टीच्या कार्यकर्त्यांनी त्यांचे जल्लोषात स्वागत केले. कोल्हापूर नाका येथील महात्मा गांधी पुतळ्याजवळ स्वागत करण्यात आले. उपमुख्यमंत्री झाल्यानंतर पहिल्यांदाच कराड दौऱ्यावर आलेल्या उपमुख्यमंत्री ना. अजित पवार यांच्या स्वागतासाठी कार्यकर्त्यांनी कोल्हापूर नाका येथील महात्मा गांधी पुतळ्याजवळ मोठी गर्दी केली होती. यावेळी उपमुख्यमंत्री ना. पवार यांनी महात्मा गांधींच्या पुतळ्याला पुष्पहार अर्पण करून अभिवादन केले. त्यानंतर भाजपा कार्यकर्त्यांनी ना. पवार यांना पुष्पगुच्छ प्रदान करत त्यांचे कराडनगरीत जल्लोषात स्वागत केले. याप्रसंगी माजी आमदार आनंदराव पाटील, य. मो. कृष्णा सहकारी साखर कारखान्याचे संचालक श्रीरंग देसाई, सयाजी यादव, कृष्णा कृषी विकास परिषदेचे अध्यक्ष गजेंद्र पाटील, आर. टी. स्वामी, राजाभाऊ उंडाळकर, मलकापूरचे माजी नगराध्यक्ष आबासाहेब गावडे, नांदगांवचे सरपंच पैलवान हंबीरराव पाटील, रमेश लवटे, भाजपचे माजी तालुकाध्यक्ष हर्षवर्धन मोहिते, मोहनराव जाधव, मुकुंद चरेगावकर, पंकज पाटील, रमेश मोहिते, दाजी जमाले, सहकारमहर्षी स्व. जयवंतराव भोसले नागरी सहकारी पतसंस्थेचे अध्यक्ष दत्तात्रय पाटील, कृष्णा बँकेचे संचालक प्रमोद पाटील, मानसिंग पाटील, धनाजी माने, नंदकुमार जाधव यांच्यासह कार्यकर्ते मोठ्या संख्येने उपस्थित होते.