सातारा : महिला पोलिसांचा मोबाईल हिसकावून जबरी चोरीचा प्रयत्न करणार्‍या चोरट्यास शाहूपुरी पोलिसांनी रामनगर कॅनॉल परिसरात शिताफीने जेरबंद केले. यल्ला ऊर्फ विराज अनिल कोळी वय 20 राहणार आकाशवाणी झोपडपट्टी सातारा असे त्याचे नाव आहे.

याबाबत माहिती अशी, महीला पोलीस अंमलदार सरोज शिंदे या दि. 19 रोजी ड्युटी संपवून घरी निघाल्या असतांना शाहुपुरी जुनी ग्रामपंचायतीजवळ यल्ल्या कोळी या युवकाने त्यांचा मोबाईल हॅन्डसेट व इतर साहीत्य जबरीने हिसकावून जबरी चोरीचा प्रयत्न करुन पळून गेला होता. याप्रकरणी  याबाबत शाहुपुरी पोलीस ठाण्यात जबरी चोरीचा प्रयत्नाचा गुन्हा दाखल झाला. दि. 29 रोजी गुन्हे प्रकटीकरण शाखेचे अंमलदार पेट्रोलिंग करत असताना संशयीत यल्ल्या कोळी रामनगर कॅनॉलवर फिरत असून त्याने राखाडी रंगाचा शर्ट घातलेला आहे, अशी खात्रीशीर माहिती मिळाली.

त्यानंतर गुन्हे प्रकटीकरण शाखेने तात्काळ हालचाली करत रामनगर कॅनॉलवर जावून शोध घेत असतांना कॅनॉल परिसरात यल्ल्या आढळला. पोलिसांना पाहून तो पळून जावू लागल्याने पोलीसांनी पाठलाग करुन त्यास पकडले. पोलीसांनी त्याचे नाव, पत्ता विचारून ताब्यात घेतले व चौकशी केली असता त्याने जबरी चोरीचा प्रयत्नचा गुन्हा केला असल्याची कबुली दिली आहे.

ही कारवाई पोलीस अधिक्षक अजयकुमार बन्सल, अप्पर पोलीस अधिक्षक धीरज पाटील, सहा.पोलीस अधीक्षक श्रीमती आंचल दलाल यांच्या मार्गदर्शनाखाली पोलीस निरीक्षक संजय पतंगे, सहा.पोलीस निरीक्षक संदिप शितोळे, पो.हेड.कॉ. हसन तडवी, पो.ना.लैलेश फडतरे, अमित माने, स्वप्निल कुंभार, ओंकार यादव यांनी केली.