कराड, दि. 20 : विजयनगर ता. कराड येथे शनिवारी दुपारी दोन वाजण्याच्या सुमारास चार ते पाच जणांनी एका युवकास लाकडी दांडक्याने बेदम मारहाण केली. या मारहाणीत युवकाचा रात्री उशिरा मृत्यू झाला. करण बर्गे (रा. खराडे ता. कराड) असे खून झालेल्या युवकाचे नाव आहे. या प्रकरणी पोलिसांकडून कराड शहर पोलीस ठाण्यात खुनाचा गुन्हा नोंद करण्याचे काम सुरू आहे. मारेकऱ्यांनी घटनास्थळावरून पोबारा केला असून त्यांच्या शोधासाठी पोलिसांची पथके रवाना झाली आहेत. घटनास्थळी वरिष्ठ पोलीस निरीक्षक कोंडीराम पाटील पोलीस उपनिरीक्षक अझरुद्दीन शेख यांच्यासह शहर गुन्हे प्रकटीकरण शाखेचे पतंग पाटील व कर्मचाऱ्यांनी भेट दिली.