कराड ः संजीवन मेडिकल सेंटरतर्फे कार्वे, ता. कराड येथे आयोजित मोफत आरोग्य तपासणी शिबिरास प्रतिसाद मिळाला. आम आदमी पार्टी कराड तालुका व आप्पासाहेब कळके कदम प्रतिष्ठानच्यावतीने या शिबिराचे संयोजन करण्यात आले होते. डॉ. योगिता पाटील, डॉ. भाग्यश्री पाटील, डॉ. दिलीप सोळंकी, आदी मान्यवरांच्या हस्ते शिबिराचे उद्घाटन करण्यात आले. यावेळी डॉ. योगिता विजयसिंह पाटील यांनी रूग्णांना नेत्ररोग निदान व उपचार यासंबंधी त्यांच्या समस्या जाणून घेऊन त्यांना योग्य ते मार्गदर्शन केले. तसेच डॉ. भाग्यश्री सु. पाटील यांनी स्त्रीयांच्या आरोग्य समस्या जाणून घेऊन त्यांना मागदर्शन केले. तसेच यावेळी कोवीडचा बुस्टर डोस विनामुल्य देण्यात आला. शिबिरास ग्रामस्थांना प्रतिसाद मिळाला. यावेळी आम आदमी पार्टीचे पश्चिम महाराष्ट्र अध्यक्ष संदीप देसाई, सातारा जिल्हाध्यक्ष शिवाजीराव जाधव, सागर भोगांवकर, रतन पाटील, कराड शहरचे समन्वयक डॉ. मधुकर माने, विशाल शेवाळे, स्वप्निल देटके, आनंदराव थोरात, शशिकांत थोरात, सुरेश पाटील, अब्बास शिकलगार, युवराज पाटील उपस्थित होते.
