उंब्रज :-मराठा योद्धा मनोज जिरंगे पाटील यांनी मराठा आरक्षणासाठी सुरू केलेल्या उपोषण आंदोलनास पाठिंबा देण्यासाठी उंब्रज तालुका कराड येथील सकल मराठी समाज बांधवांच्या वतीने उंब्रज येथील छत्रपती शिवाजी महाराज पुतळ्याजवळ आज साखळी उपोषणास सुरुवात केली यावेळी छत्रपती शिवाजी महाराजांच्या पुतळ्यास वंदन करून जोरदार घोषणा देऊन या आंदोलनाची सुरुवात करण्यात आली. उंब्रज व उंब्रज परिसरातील अनेक गावांनी सर्वपक्षीय राजकीय नेत्यांना गाव बंदी केली असून जोपर्यंत आरक्षण मिळणार नाही तोपर्यंत मतदानावर बहिष्कार घालण्याचा निर्णय सकल मराठा बांधव यांच्या वतीने घेण्यात आला आहे. मराठा समाजाला सरसकट आरक्षण मिळण्यासाठी साखळी उपोषणाची सुरुवात केली असून कॅन्डल मार्च देखील काढण्यात येणार आहे. सर्व आंदोलन शांततेच्या मार्गाने होणार असून कोणताही उद्रेक होणार नाही याची संपूर्ण दक्षता सकल मराठा समाज बांधवांच्या वतीने घेण्यात येणार असल्याचे यावेळी कॅप्टन इंद्रजीत जाधव यांनी सांगितले