कराड येथील श्री शिवाजी शिक्षणसंस्था ट्रस्ट, कराडच्या विठामाता विद्यालयातील श्रावणी प्रकाश पाटील हीने राज्यस्तरीय संस्कृत प्रज्ञाशोध परिक्षेत महाराष्ट्र राज्यात प्रथम क्रमांक पटकावला. कवीकुलगुरू कालिदास विद्यापीठ, नागपूर यांच्या वत्तीने यावर्षी ही परिक्षा जिल्हा व राज्यस्तरावर घेण्यात आली. जिल्हास्तरावर विद्यालयाच्या १५ मुलींनी यश प्राप्त केले. त्यामध्ये इयत्ता 8 वी तील कु. मगदूम सिफा रमाजान, कु फुटाणे श्रेया श्रीधर, कु. माळवदे भार्गवी सचिन, कु .पाटील उत्कर्षा प्रशांत, कु. पाटील श्रावणी प्रकाश कु. तपासे निधी अविनाश, कु. यादव इशिका सचिन, कु क्षीरसागर आर्या तुषार, कु. थोरात अंजली विनोद, कु. उथळे सानवी योगेश त्यांचा समावेश आहे. 9 वी तील कु. चव्हाण विरजा प्रताप, कु. खराडे समीक्षा सुनील, कु. देशमुख स्नेहांकिता प्रमोद, कु. कणसे वेदिका सागर, कु. कोरडे श्रद्धा मुकेश, कु. कुंभार रिया विजय यांचा समावेश आहे. कवी कुलगुरू कालिदास विद्यापीठाकडून ही परीक्षा राज्य स्तरावर ५० गुणांसाठी घेण्यात आली. त्यामध्ये कु. श्रावणी प्रकाश पाटील हीने ४८ गुण संपादन करून प्रथम क्रमांक मिळविला. या यशाबद्दल संस्थेचे अध्यक्ष सचिव माननीय जयंत पाटील, खजिनदार माननीय संजय बदियाणी व सर्व संचालक यांनी अभिनंदन केले. ही परिक्षा रविकिर्ती संस्कृत अध्ययन केंद्र सांगली यांच्याकडून आयोजित करण्यात आली सौ. सुप्रिया कुलकर्णी व कु. कल्याणी कुलकर्णी या संस्कृत विभागात असून त्यांनी सर्व विद्यार्थिनींना मार्गदर्शन केले. शाळेच्या मुख्याध्यापिका सौ. पवार व्ही. एस., सौ. उषा थोरात व सर्व शिक्षकांनी अभिनंदन केले.