सातारा : खेड, ता. सातारा येथे अनाधिकाराने घराचे कुलूप तोडून मिळकतीबाबत आगळीक केल्याप्रकरणी व याबाबत जाब विचारल्यानंतर दाम्पत्यास मारहाण केल्याप्रकरणी दोघाजणांवर गुन्हा दाखल झाला आहे.
याबाबत रोहिदास शंकर सपकाळ यांनी फिर्यादीत म्हटले आहे की, दि.29 रोजी ते व त्यांची पत्नी घरी होते. यावेळी दुपारी 3 ते साडेतीनच्या दरम्यान, ज्ञानेश्वर किसन कदम आणि सौ. मनिषा ज्ञानेश्वर कदम आणि तेजस ज्ञानेश्वर कदम सर्व रा. खेड, ता. सातारा हे त्यांची मिळकत असलेल्या खोलीचे कुलूप तोडू लागले.
यावेळी रोहिदास सपकाळ आणि त्यांच्या पत्नीने त्यास विरोध केला असता त्यांना संशयितांनी शिवीगाळ आणि मारहाण केली. याप्रकरणी सातारा शहर पोलीस ठाण्यात गुन्हा दाखल झाला असून तपास हवालदार जाधव करत आहेत.