कराड : मोकाट श्वानांच्या हल्ल्यात अडीच वर्षाच्या चिमुकल्याचा मृत्यू झाला. शहरातील वाखाण भागात जगताप वस्तीवर सोमवारी दुपारी तीन वाजण्याच्या सुमारास ही हृदयद्रावक घटना घडली. घराच्या अंगणात चिमुकल्यावर झडप घालून श्वानांनी त्याला फरपटत ऊसात नेले होते. सुमारे तासाभराच्या शोध मोहिमेनंतर मुलाचा मृतदेह आढळून आला. राजवीर राहुल ओव्हाळ (रा. जगताप वस्ती, वाखाण, कराड) असे ठार झालेल्या मुलाचे नाव आहे.
