कराड ः कोपर्डे हवेली ता. कराड येथे मुलाने बापास लाकडी दांडक्याने मारले. यामध्ये बापाचा जागीच मृत्यू झाल्याची घटना घडली आहे. याप्रकरणी कराड तालुका पोलिसात खूनाचा गुन्हा नोंद करण्यात आला आहे. याबाबत संजय शामराव सरगडे वय 53, रा. कोपर्डे ता. कराड यांनी कराड तालुका पोलिसात फिर्याद दिली आहे. त्यावरून कराड तालुका पोलिसांनी मुलास अटक केली आहे. तानाजी लक्ष्मण होवाळ वय 65, रा. कोपर्डे हवेली, ता. कराड असे खून झालेल्याचे नाव आहे. तर अभिजीत उर्फ पप्या होवाळ असे पोलिसांनी अटक केलेल्याचे नाव आहे. अधिक तपास पोलीस निरीक्षक आनंदराव खोबरे करीत आहेत.
