‘फलटण शहर व तालुक्यात कोरोना बाधितांची संख्या सुमारे 2 हजारपर्यंत पोहोचली असून, त्यापैकी 700 रुग्ण फलटण शहरात आहेत. आतापर्यंत 30 ते 40 दिवसांनी दुप्पट होणारी रुग्णसंख्या आता 15 दिवसांत दुप्पट होत असून, त्यामध्ये वृद्धांची संख्या अधिक आहे. सप्टेंबरअखेर शहर व तालुक्यात बाधित रुग्णांची संख्या 4 हजारपेक्षा अधिक होण्याची शक्यता आहे,’ अशी माहिती मुख्याधिकारी प्रसाद काटकर यांनी दिली.
फलटण : ‘फलटण शहर व तालुक्यात कोरोना बाधितांची संख्या सुमारे 2 हजारपर्यंत पोहोचली असून, त्यापैकी 700 रुग्ण फलटण शहरात आहेत. आतापर्यंत 30 ते 40 दिवसांनी दुप्पट होणारी रुग्णसंख्या आता 15 दिवसांत दुप्पट होत असून, त्यामध्ये वृद्धांची संख्या अधिक आहे. सप्टेंबरअखेर शहर व तालुक्यात बाधित रुग्णांची संख्या 4 हजारपेक्षा अधिक होण्याची शक्यता आहे,’ अशी माहिती मुख्याधिकारी प्रसाद काटकर यांनी दिली.
इंटरनॅशनल असोसिएशन फॉर ह्युमन व्हॅल्युज (खअकत) या आर्ट ऑफ लिव्हिंगच्या माध्यमातून जगभर कार्यरत असलेल्या स्वयंसेवी संस्थेच्या माध्यमातून फलटण पालिकेकडे आठ ऑक्सिजन कॉन्सेन्ट्रेटर मशिन्स नगरपरिषद सभागृहात समारंभपूर्वक सुपूर्द करण्यात आली. याप्रसंगी बोलत होते.
या वेळी प्रभारी तहसीलदार आर. सी. पाटील, डॉ. संजय राऊत, डॉ. माधव पोळ, प्राचार्य रवींद्र येवले, अ‍ॅड. सचिन शिंदे, मराठा क्रांती मोर्चाचे माउली सावंत, अभिजित बेडके यांच्यासह मराठा क्रांती मोर्चा व आर्ट ऑफ लिव्हिंगचे पदाधिकारी उपस्थित होते.
शहर व तालुक्यातील स्वयंसेवी संस्था, व्यक्तींनी कोरोना रुग्णांवरील उपचार व अन्य सुविधांसाठी मदतीचा ओघ सुरू केला आहे. शहरात मराठा क्रांती मोर्चाच्या माध्यमातून महाराजा संस्था समूहाने 20 बेडचे छत्रपती शिवाजी महाराज कोरोना केअर सेंटर उभारले आहे. अशी आणखी काही केअर सेंटर्स उभारण्यासाठी आम्ही प्रयत्नशील आहोत. तथापि, या सेंटर्ससाठी आवश्यक असणारे मनुष्यबळ उपलब्ध होण्यात अडचणी असल्याने वाढत्या रुग्णसंख्येला पुरेशा प्रमाणात उपचाराच्या सुविधा उपलब्ध करून देण्यात अडचण येणार असून, रुग्णसंख्या वाढणार नाही यासाठीच प्रत्येकाने योग्य दक्षता घेण्याची आवश्यकता आहे, असे मुख्याधिकारी काटकर यांनी स्पष्ट केले.
ऑक्सिजन सुविधेसह बेड उपलब्ध होत असताना अलीकडे ऑक्सिजनच्या पुरवठ्यामध्ये अनंत अडचणी येत आहेत. पुरेशा प्रमाणात ऑक्सिजनचा पुरवठा होण्यासाठी स्वतंत्र यंत्रणा उभारण्यात आली आहे. तथापि, आर्ट ऑफ लिव्हिंगच्या माध्यमातून आज उपलब्ध झालेली ऑक्सिजन सिलिंडरशिवाय हवेतून ऑक्सिजन घेऊन रुग्णाला पुरवठा करणारी मशिन्स निश्‍चित उपयुक्त ठरणारी असून, जागतिक स्तरावर काम करणार्‍या इंटरनॅशनल असोसिएशन फॉर ह्युमन व्हॅल्युज (खअकत) या स्वयंसेवी संस्थेने सदर मशिन्स उपलब्ध करून देण्यासाठी फलटणची निवड केली आणि गरजेच्या वेळी सदर मशिन्स उपलब्ध करून दिल्याबद्दल आर्ट ऑफ लिव्हिंग आणि या स्वयंसेवी संस्थेला धन्यवाद देत आगामी काळात अशी अधिक मशिन्स उपलब्ध करून घेण्याची आवश्यकता मुख्याधिकारी काटकर यांनी व्यक्त केली
प्रभारी तहसीलदार आर. सी. पाटील यांनी रुग्णसेवेसाठी वैद्यकीय अधिकारी आणि कर्मचार्‍यांची सेवा अत्यंत महत्त्वाची असून, आज प्रत्येकजण 18 ते 20 तास काम करूनही ती सेवा पुरेशी होत नसल्याने त्यासाठी आणखी कर्मचारी उपलब्ध होण्याची आवश्यकता आहे. त्याचबरोबर ऑक्सिजन सिलिंडर घेण्यासाठी गेलेल्या वाहनाला किमान 24 तास तेथे थांबावे लागत असल्याने आता हवेतून ऑक्सिजनचा पुरवठा करणार्‍या यंत्रणेचा निश्‍चित फायदा होणार असल्याने अशी मशिन्स मोठ्या संख्येने उपलब्ध करून घ्यावी लागतील.
प्रारंभी आर्ट ऑफ लिव्हिंग व स्वयंसेवी संस्थेच्यावतीने सर्व उपस्थितांचे स्वागत केल्यानंतर अमोल येवले यांनी प्रास्ताविकात या स्वयंसेवी संस्थेच्या माध्यमातून गेल्या 6 महिन्यात कोरोना उपचारासाठी जगभर विविध सुविधा उपलब्ध करून देण्यात आली. त्यामध्ये प्रामुख्याने सुमारे 7 कोटी लोकांना अन्न पाकिटे तर विविध ठिकाणच्या हॉस्पिटलमध्ये सुमारे 40 कोटींची वैद्यकीय उपकरणे उपलब्ध करून देण्यात आली असून, पुण्यात 1600 बेडचे सुसज्ज रुग्णालय उभारण्यात आल्याचे निदर्शनास आणून दिले. केवळ शहरी भागात या सुविधा देण्यापेक्षा ग्रामीण भागातही त्याची गरज असल्याने त्यादृष्टीने विचार करण्यात आला असून, फलटण येथे या सुविधा उपलब्ध करून देण्यासाठी प्रांताधिकारी डॉ. शिवाजीराव जगताप, प्रभारी तहसीलदार आर. सी. पाटील, मुख्याधिकारी प्रसाद काटकर, गटविकास अधिकारी डॉ. अमिता गावडे-पवार यांच्या सूचनेनुसार फलटणसाठी सदरची 8 ऑक्सिजन कॉन्सन्ट्रेटर मशिन्स उपलब्ध करून देण्यात आली आहेत.
कार्पोरेट संस्थांच्या सीएसआरचा एक भाग म्हणून या स्वयंसेवी संस्थेने पुण्यातील 1600 बेडच्या रुग्णालयाची उभारणी केली आहे तर नायडू रुग्णालयात कायम ऑक्सिजन पुरवठा यंत्रणा सुरू करण्याची प्रक्रिया कार्यान्वित होत असून, अन्य शहरातही तेथील गरजेप्रमाणे मदत करण्यात येत असल्याचे स्पष्ट करीत सांगली, सोलापूर, उमरगा आणि फलटण या ठिकाणी प्रत्येकी 8 ऑक्सिजन कॉन्सेट्रेटर मशिन्स आणि लातूर येथे 1500 पीपीई कीट उपलब्ध करून दिल्याचे अमोल येवले यांनी सांगितले. सदर 8 मशिन्स उपलब्ध करून दिल्याबद्दल आर्ट ऑफ लिव्हिंग आणि छत्रपती शिवाजी महाराज कोरोना केअर सेंटर उभारणी केल्याबद्दल नगरपरिषदेच्यावतीने या दोन्ही संस्थांच्या पदाधिकार्‍यांचा सत्कार प्रभारी तहसीलदार आर. सी. पाटील यांच्या हस्ते करण्यात आला.
