पाटण, ः मराठा योध्दा मनोज जरांगे पाटील यांनी अंतरवाली सराटी येथे मराठा आरक्षणासाठी सुरु केलेल्या आमरण उपोषणास पाठिंबा देण्यासाठी पाटण येथे साखळी उपोषणास सुरवात झाली आसताना आंदोलनाच्या दुसऱ्या दिवशी गुरवारी पाटण तालुक्यातील विविध संघटना, पक्ष्याच्या वतीने या आंदोलनास जाहीर पाठिंबा देत मराठा समाजाचा अंत पाहू नका असे शासनाला ठणकावून सांगितले. बुधवारी पहिल्या दिवशी महाराष्ट्र मुस्लिम ओबीसी ऑर्गनायझेशन पाटण यांनी पाठिंब्याचे पत्र देत मराठा समाजाला आरक्षणाची मागणी केली. यावेळी पाटण पाटण येथे बुधवारी सकाळी 10 वा. सुमारास नवीन एसटी स्टँड परिसरात नवीन पंचायत समिती समोर चापोली रोड येथे मराठा क्रांती मोर्चा व सकल मराठा समाजाचे साखळी उपोषणास सुरवात झाली आहे. आंदोलनाच्या दुसऱ्या दिवशी सत्यजितसिंह पाटणकर यांनी आंदोलन ठिकाणी भेट देऊन पाटणकर कुटुंबीय मराठा समाजाला आरक्षण लढ्यात सहभागी आहे. असे सांगून सरकारने आता मराठा समाजाला आरक्षण द्यायलाच पाहिजे. मात्र सरकार ववेळकाढूपणा करत मराठ्यांच्या सयम संपण्याची वाट पहात आहे. हे आंदोलन तीव्र झाले तर सरकारला झेपणार नाही. असेही त्यांनी यावेळी सांगितले. या आंदोलनाला पाटण तालुका राष्ट्रवादी काँग्रेस, शिवसेना उध्दव ठाकरे गट तालुका प्रमुख सुरेश पाटील, महाराष्ट्र नव निर्माण सेनेचे तालुकाअध्यक्ष गोरख नारकर, रिपब्लिकन पार्टी ऑफ इंडियाचे पश्चिम महाराष्ट्र सरचिटणीस रवींद्र सोनावले, पाटण तालुका अध्यक्ष प्राणलाल माने, प्रहार संघटनेचे तालुका अध्यक्ष व ओबीसी नेते शुभम उबाळे, बीआरएस पक्षाचे तालुका अध्यक्ष शिवाजीराव कोळेकर, कोयना विभाग पंचायत समिती सदस्य बबनराव कांबळे, पाटण तालुका पत्रकार संघाचे माजी अध्यक्ष व परीट समाजाचे सामाजिक कार्यकर्ते राजेंद्र पवार, विक्रांत कांबळे, संजय कांबळे आदी समाज बांधवांनी सक्रीय सहभाग नोंदवून पाठिंबा दिला. या आंदोलनात शंकरराव मोरे, यशवंतराव जगताप, धर्यशिल पाटणकर, अविनाश जानुगडे, मनोहर यादव, प्रदीप घाडगे, नितीन पिसाळ, बापूराव जाधव, अनिल भोसले, शंकर मोहिते, विक्रम यादव, लक्ष्मण चव्हाण, संजय इंगवले, चंद्रकांत मोरे, सुभाष शिर्के, राजेंद्र पाटणकर, पांडुरंग संकपाळ, जयवंतराव सुर्वे, सुरेश संकपाळ, विजय कवर, राहुल पवार, गणेश नायकवडी, सचिन कुंभार, राजेंद्र राऊत, उमेश टोळे, सुनिल शिंदे, आदी मराठा बांधवांनी साखळी उपोषणात सहभाग घेतला.