महात्मा ज्योतिबा फुले जन आरोग्य योजने अंतर्गत उल्लेखनीय कामगिरी केल्याबद्दल सह्याद्रि सुपर स्पेशालिटी हॉस्पिटल्स,कराडचा पुुरस्कार देऊन गौरव करण्यात आला.या योजनेअंतर्गत सातारा जिल्ह्यामधील 26 हॉस्पिटल्स आरोग्य सेवा पुरवतात. यापैकी सर्वोत्कृष्ट व उल्लेखनीय कामगिरी करणार्‍या 3 हॉस्पिटल्सना गौरवण्यात आले. सातार्‍याचे जिल्हा अधिकारी शेखर सिंह यांच्या हस्ते हा पुरस्कार देण्यात आला. महात्मा ज्योतिबा फुले जन आरोग्य योजनेच्या (एमजेपीजेएवाय) गुणवत्ता मापदंडास अनुसरून उत्कृष्ठ कामगिरी बजावल्याबद्दल सह्याद्रि हॉस्पिटलला प्रशस्तीपत्रक देऊन गौरविण्यात आले. तसेच कोविड-19 या जागतिक महामारीच्या काळामध्ये अतुलनीय धाडसी व उल्लेखनीय कार्य केल्याबद्दल देखील स्वतंत्र प्रशस्तीपत्रकाद्वारे सन्मानित करण्यात आले. या सत्कार समारंभाला सातारा जिल्ह्याचे सिव्हिल सर्जन डॉ.सुभाष चव्हाण व महात्मा फुले जन आरोग्य योजनेचे जिल्हा समन्वयक अधिकारी डॉ. देविदास बागल देखील उपस्थित होते. सह्याद्रि सुपर स्पेशालिटी हॉस्पिटल कराड चे व्यवस्थापक डॉ. वेंकटेश मुळे यांनी हा पुरस्कार स्वीकारला व त्यावेळी एमजेपीजेएवाय योजनेच्या वैद्यकीय अधिकारी डॉ.राजश्री जगताप देखील उपस्थित होत्या. हा सन्मान मिळाल्याबद्दल सह्याद्रि हॉस्पिटल कराडचे संचालक अमित चव्हाण,व्यवस्थापक डॉ.वेंकटेश मुळे यांनी समाधान व्यक्त करत ही वैद्यकीय सेवा अधिक व्यापक करण्याचा निश्‍चय असल्याचे सांगितले.