प्रतिवर्षाप्रमाणे निमसोड येथे सोनारसिद्ध नवरात्र उत्सव मंडळ व शिवगर्जना प्रतिष्ठान निमसोड यांच्या संयुक्त विद्यमाने श्रीमंत छत्रपती शिवाजी महाराज यांची जयंती मोठ्या उत्साहात भक्तिमय वातावरणात साजरी करण्यात आली.
निमसोड : प्रतिवर्षाप्रमाणे निमसोड येथे सोनारसिद्ध नवरात्र उत्सव मंडळ व शिवगर्जना प्रतिष्ठान निमसोड यांच्या संयुक्त विद्यमाने श्रीमंत छत्रपती शिवाजी महाराज यांची जयंती मोठ्या उत्साहात भक्तिमय वातावरणात साजरी करण्यात आली.
प्रतापगडावरून आणलेल्या शिवज्योतीचे वाजत गाजत स्वागत करण्यात आले. सकाळी शिवाजी महाराज यांच्या प्रतिमेचे पूजन शिवकन्या निर्जरा मोरे हिच्या हस्ते विधीपूर्वक पुष्पहार घालून करण्यात आले यावेळी शिवाजी महाराज की जय, जय भवानी या घोषणांनी निमसोड परिसर दुमदुमून गेला होता.
यावेळी ग्रामपंचायत सदस्य रवींद्र मोरे , सुनील मोरे, शशिकांत मोरे, महेंद्र देशमुख यांची प्रमुख उपस्थिती होती.
सर्व गावात भगवे झेंडे लावल्याने शिवचरित्र पोवाड्याने सर्वत्र शिवमय वातावरण तयार झाले होते.
या कार्यक्रमाच्या यशस्वितेसाठी प्रशांत मोरे, नाना घाडगे, अधिक मोरे, अभी निंबाळकर, राहुल मोरे, गणेश मोरे, साहिल तांबोळी, अमोल मोरे यांनी परिश्रम घेतले.
