वाठार ः मालखेड ता. कराड येथील महामार्ग ते मालखेड गावठाण पर्यंतचा मुख्य रस्ता खडीकरण व डांबरीकरण गत काही वर्षांपासून प्रलंबित होते. मात्र माजी मुख्यमंत्री आमदार पृथ्वीराज चव्हाण यांनी स्वतः लक्ष घालून या रस्त्याचे काम मार्गी लावले आहे. आज या रस्त्याचे काम पूर्णत्वास गेल्याने ग्रामस्थांच्यातून समाधान व्यक्त होत आहे. महामार्ग ते मालखेड गावठाण मध्ये जाण्यासाठी एकच मुख्य रस्ता आहे. मात्र काही काळात या रस्त्याची दुरावस्था झाली होती. रस्त्यावरती खड्डी पडल्याने पाणी साचने, छोटे मोठे अपघात किरकोळ अपघात होणे तसेच मोठ्या वाहनांना अडचणीचे ठरत होते. तर पादचार्‍यांनाही चालताना कसरत करावी लागत होती. यामुळे ग्रामस्थांनी अनेक वेळा रस्त्याच्या दुरूस्तीबाबत वेळोवेळी मागणी केली होती. मात्र याकडे दुर्लक्ष होत होते. अखेर माजी मुख्यमंत्री पृथ्वीराज चव्हाण यांच्याकडे रस्त्याच्या दुरूस्तीबाबत सामाजिक कार्यकर्ते देवदास माने यांच्यासह स्थानिक ग्रामस्थांनी दुरूस्तीबाबतची मागणी केली. त्यावर चव्हाण यांनी तातडीने निर्णय घेऊन रस्त्याचे कामास निधी उपलब्ध करून दिला. त्यानुसार या रस्त्याचे खडीकरण व डांबरीकरण पूर्ण झाले आहे. रस्ताचे काम उत्कृष्ठ झाले असल्याने वाहनधारकांसह ग्रामस्थांतून समाधान व्यक्त होत आहे.