पाचगणी : बाहेर का जातेस म्हणून घरात डिझेलने सुनेला पेटवून देण्याचा प्रयत्न केल्याबद्दल भिलार येथे सासू, सासरा व नवऱ्याविरोधात पांचगणी पोलीस ठाण्यात गुन्हा दाखल केला असल्याने सर्वत्र खळबळ उडाली आहे.

याबाबत पांचगणी पोलीस ठाण्यातून मिळालेली अधिक माहिती अशी की आसमा मोहसीन डांगे (वय 27) वर्ष व्यवसाय घरकाम, राहणार भिलार तालुका महाबळेश्वर, जिल्हा सातारा या दि. 3/8/22 रोजी सायंकाळी 6:45 वाजण्याचे सुमारास मौजे भिलार तालुका महाबळेश्वर गावी आपल्या राहते घरात बसल्या होत्या. यावेळी त्यांचे सासरे सासरे जलाल बशीर डांगे हे दारू पिऊन येऊन शिव्या देत होते.

आस्मा यांचेवर वर संशय घेऊन तू बाहेर जातेस असे म्हणून तिचे पती मोहसीन जलाल डांगे यांनीही त्याच कारणावरून मारहाण केली. यांनतर पती, सासू सायरा डांगे व सासरे जलाल डांगे यांनी आसमाचे अंगावर बाटलीतले डिझेल ओतून तिला पेटवून देऊन जीवे मारण्याचा प्रयत्न केला आहे.  याबाबत अशा आशयाची तक्रार आसमा मोहसीन डांगे हिने पांचगणी पोलीस ठाण्यात दिली आहे.  सुनेला जिवंत जाळून जिवे मारण्याचा प्रयत्न केलेला सासू, सासरा आणि नवऱ्याविरोधात गुन्हा दाखल झाला आहे. या घटनेचा अधिक तपास उ.वि.पो. आधिकारी वाई विभाग तथा पांचगणी पोलीस ठाण्याचे प्रभारी सहाय्यक पोलीस निरीक्षक आर.जी. तेलतुंबडे करीत आहेत.