‘कोरोनाच्या पहिल्या लाटेत सर्वांनी योग्य ती खबरदारी घेतल्याने गावच्या वेशीच्या आत कोरोनाला प्रवेश करता आला नव्हता. मात्र, दुसर्‍या लाटेत आपण सर्वजण काळजी घेत असतानाही गावात कोरोनाचा शिरकाव झाला आहे. मात्र, या कोरोनाला परतवून लावण्यासाठी आपण झाशीच्या राणीप्रमाणे लढा देत असून आज संपूर्ण गावात जंतुनाशक फवारणी केली आहे. यापुढेही सामाजिक बांधिलकीच्या माध्यमातून गावच्या भल्यासाठी सतर्क व कार्यरत राहणार,’ असे प्रतिपादन ग्रामपंचायत सदस्या काजल देसाई यांनी केले.
कातरखटाव : ‘कोरोनाच्या पहिल्या लाटेत सर्वांनी योग्य ती खबरदारी घेतल्याने गावच्या वेशीच्या आत कोरोनाला प्रवेश करता आला नव्हता. मात्र, दुसर्‍या लाटेत आपण सर्वजण काळजी घेत असतानाही गावात कोरोनाचा शिरकाव झाला आहे. मात्र, या कोरोनाला परतवून लावण्यासाठी आपण झाशीच्या राणीप्रमाणे लढा देत असून आज संपूर्ण गावात जंतुनाशक फवारणी केली आहे. यापुढेही सामाजिक बांधिलकीच्या माध्यमातून गावच्या भल्यासाठी सतर्क व कार्यरत राहणार,’ असे प्रतिपादन ग्रामपंचायत सदस्या काजल देसाई यांनी केले.
दातेवाडी (ता. खटाव) येथे कोरोनाचा वाढता प्रसार रोखण्यासाठी ग्रामपंचायत सदस्या काजल देसाई यांनी स्वखर्चाने गावात नुकतीच जंतुनाशक फवारणी केली. याप्रसंगी त्या बोलत होत्या.
यावेळी सरपंच गौरी पवार, उपसरपंच रंजना जाधव, ग्रामसेवक समीर शेख, चेअरमन तानाजी मोरे, भूषण देसाई, अशोक देसाई, दादा मोहिते, बाबासो पवार, सत्यवान माळवे, भीमराव पवार आदींसह ग्रामस्थ उपस्थित होते.
